Onte hoube un cumbíbio antre rapazes i rapazas no campo de la bola, ourganizado por Anabela Nobre, que trabalha na Casa de la Cultura, cun l apoio de la Junta de Freguesie.
L presidente de la Junta todo cuntento a ber
Fazírun-se jogos e estes fúrun ls que jogórun:
Son sendineses
I estes tamien
I mais estes
Estes fúrun ls que ganhórun, nun ls coinceis?
Jogórun rapazes i rapazas mesclados i la cousa stubo animada, metiu árbitro i todo.
Mirai la rapaza cun que atento stá
Ls que nun jogórun partecipórun noutras cousas. Sendin inda ten muitos rapazes i rapazes, guapos, balientes, amigos i chenos de alegrie.
L árbitro fui l porsor Almendra, l que l baliu fui tener spriencia destas cousas i lhebar cartones i todo. Mas inda tubo que usar-los.
La cousa stubo tan animada que anté hoube desampate por penaltes.
Hugo Nobre a marcar l penalte
Fui ua tarde de amisade i alegrie i anté stubírun ls nuossos representantes na Câmara, dr. Ilidio i dr. Carção.
No fin de ls jogos hoube medalhas i todo.
Antrega de medalhas
A la nuite hoube la cena ouferecida por la Junta de Freguesie i todo acabou an alegrie i amisade. Ye assi que Sendin será maior.
La cena
