Iba a bendimar i mirai cumo staba l die!
Mirei pal lhado del semitério chubie a cântaros.
Mirei para la casa de la cultura eigualico.
Fui-me atrás a mirar l cielo, nun parcie de quien quier deixar de chuber.
L que bal ye que nun sou nada aflegido se nó, nun sei l que passarie.
Cumo nun podie salir de casa para achar ua nuoba para bos screbir, lhembrei-me de ua cuonta de tiu Raposo de Maladas que trataba a Nosso Senhor cumo se fura um tiu eigual a ele.
Habie muitos dies que nun chubie i anton el fui-se a la eigreija de la Misericórdia. Al chegar al altar-mor, benziu-se a la priessa três bezes e sin mais dixo:
À Manul, bengo tan anraibado!
Que nin la gorra bos tiro…
Se nun chubir, até passado manhana,
De mie casa, nun lhebais un grano!...
Apuis chubiu….
You bou a fazer l mesmo mas se nun parar de chuber…
