No més de Márcio de 1941, l “Mensageiro de Bragança” daba la nuoba de que hoije bos scribo.
L ciclone fui ne l die 19 de Febreiro, mas las nuobas de las bárias tierras salírun als poucos, ne ls númaros de Márcio.
Ben esto a prepósito de las nuobas de hoije, que dízen que ls temporales estan aende, por toda la Ouropa.
Que a nós nun mos calhe tamien.
L temporal de hoije
Traigo esto eiqui, porque las nuobas daquel tiempo eran bien anteressantes.
Ua dezi que na Trindade muitos sobreiros fúrun arrincados i nas aldés, muitas casas quedórun sin telhados.
L temporal fui por todo l çtrito.
La Trindade bista de Bezindeira
La mais anteressante fui ua de l nuosso cunceilho, que apuis de falar de todos ls stragos fazie este quementairo:
“ ...Fui pena que nun houbira benido antes de pagar la décima, que ye l maior mal que aflige l pobo, nun falando de l tiempo que perde ne l tribunal a la spera de ls juízes…” ( la traduçon ye mie ).
Este testo stá screbido cun l- an ampeço de palabra, a la moda de l mirandés de Sendin, cunsante la 1ª. Adenda a la Cumbençon Ourtográfica de la Lhéngua Mirandesa.
