Hoije fui die de futebol i l HOIJE tamien faç l comentairo al jogo antre Pertual i Alemanha.
L jogo fui bien jogado i naide puode quedar triste, porque ls nuossos jogadores fazírun l possible. Ye berdade que siempre se puode fazer melhor, mas se un ou outro jogador nun stube tan bien de l lado de Pertual, tamien de l outro lado fui eigual. Faltou-mos un guarda-redes melhor.
Nuno Gomes
Mas a la tarde, ne l Ciclo, ls alunos por un lado i ls porsores i ampregados por l’outro, fazírun un jogo antre eilhes, dezíen que era para treinar para l jogo de Pertual. Ls alunos cumo faboritos, assi cumo Pertual, dezíen que íban a ganhar.
L guarda redes parecido cun Ricardo, era porsor
L jogo fui animado
Mas parece que fui la mostra de l que acunteciu a la nuite. Ls alunos acabórun por perder l jogo, naide gusta de perder, mas ne l fin todo acabou bien. Ls porsores i ampregados inda mostrórun que la spriencia bale muito. La Alemanha fizo eigual.
Quando ls mais bielhos ampeçórun a ganhar
L jogo fui debagaroso
L árbito de l outro lado de l bancada era un aluno i deixou passar un golo a fabor de ls alunos que fui algo dubidoso, la árbitra de l lado de la bancada, que era la porsora Marta, inda fui alhá, mas fui mesmo golo, mas ls alunos perdírun assi i todo.
La árbitra a deregir-se para l outro lado
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
