Apuis de muito tiempo de abandono i tamien porque nunca fúrun feitos an cundiçones i eiqui hai que assacar respunsablidades a muita giente i nó solo a esta câmara, chegou la altura de ls cumponer. Tamien ye berdade que nun se puode fazer todo al mesmo tiempo, por esso debemos antender las cousas.
La eiquipa de la câmara a trabalhar
L ancarregado, Abílio Paulo, a dar las ourientaçones
Ls passeios ban a ser amanhados zde las placas als barriales lebando nuobas guias i un suolo de mosaicos. Ban tamien sendo amanhadas las canalizaçones i las antradas para las casas de modo a que todo quede an cundiçones para ua porrada de anhos.
L trabalho
Sendin nun pára i todos ls dies hai nuobos trabalhos para que la bida seia melhor. Tamien ye berdade que muito mais era perciso i se deberie fazer, porque Sendin ye bila i nun se puode acumparar a ua aldé, ya que ten muitos serbícios que sírben tamien para las aldés al alredor de Sendin.
Cumo bai quedando
Sabemos que bénen melhones para l cunceilho i muitos ténen benido, Sendin ten dreito a la sue parte, naide fizo las cuntas, mas hai que las fazer.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
