A LA CUMBERSA CUN …(cont.)
Porque poucos sendineses sáben i aporbeitando la cumbersa cun l diretor de l Centro de Studos António Maria Mourinho (que fui un de ls sendineses mais eilustres), amostro-bos hoije tamien ls retratos de cumo fui feito l busto de l Pe. Mourinho, que se ancontra an Miranda i que fui feito por outro eilustre sendinés, José António Nobre.
L busto de l Pe. Mourinho
Cuntinando la cumbersa cun António Bárbolo Alves:
H – La cumbençon percisaba de ser melhorada i hai mesmo quien pense que era amportante fazer ua rebison de la cumbençon, quei bos parace?
ABA – La cumbençon ye cumo l nome diç, ua cumbençon subre l modo de screbir l mirandés, yá que nun habie suporte para la ouniformizaçon de la scrita i fazie falta, mas debemos deixar mais algun tiempo, para que ls que scríben an mirandés, se ban afeiçoando a eilha. L mais amportante era fazer cun que las autarquies (la câmara i las juntas de freguesie) la recoincíssen cumo decumiento bálido i que tubisse suporte científico bálido tamien.
José António Nobre a trabalhar l busto
H – Que quereis dezir cun esso?
ABA – Que debe ser criado, l quanto antes, un anstituto de la lhéngua, ou que seia feito un protocolo cun ua Ounibersidade. Dében ser chamados a partecipar ls porsores, que trabálhan an Sendin i Miranda, ne l ansino de la lhéngua, las autarquies cumo yá dixe i ls percipales scritores an lhéngua mirandesa.
H – Mas nun ye amportante que la cumbençon respeite las çfréncias de l sendinés i de l raiano?
ABA – Quando se fizo la cumbençon muito se çcutiu subre isso i tubimos que chegar a un acordo, nun bamos a ampeçar outra beç a andar a las buoltas culs “l”,”ll” i “lh” ou cul “on” i “ão”, porque, i solo para dar un eisemplo, la lhéngua pertuesa ten 15 sons bocálicos ne l que diç respeito a las bogales i solo ten 5 bogales. Nun bamos a cumplicar mais la cumbençon.
%5B1%5D.jpg)
Grupo escultórico e estudo de implantação, pelo escultor José António Nobre
Imagem: José António Nobre
Scanning e composição gráficas a partir de fotografia: A.F.Frias
H – Mas esso nun ye amportante çcutir?
ABA – Claro que ye, mas l prioritário neste momento ye por eisemplo l que aprepón la segunda adenda, que ye l porblema de ls neologismos i de las palabras que se scríben cun “x”, an pertués.
(cuntina)
