Quien nun fui yá al andreita, ou a saber se staba zmanchado, ou a fazer massaiges?
Pus zde ls tiempos mais premitibos houbo siempre quien tratasse las pessonas outelizando las manos. Até la bíblia l diç i hai inda la tradiçon de poner las manos an muitos rituales de las relegiones. Pus cun este bideo podemos daprender algo subre esse uso, agora mais studado i que mos ansina muito subre la outelizaçon de las manos na cura de muitas malinas.
Reiki ye un método de cura natural pulas manos.
L Reiki ye ua tequenica de cura einergética. La cura einergética tira ls sintomas de la cabeça – tristeza, angústia, depresson, stresse, ansiadade, etc. - que cáusan desordenes al nible físico – falta d'einergie, cansaço, delores, etc.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
