La semana de ls roques an Mogadouro serbiu tamien para bárias einiciatibas de recuolha de roques. Bários grupos de pessonas fúrun a ber ls sítios adonde se pudíen ancuntrar ls roques i fui-le splicado que la recuolha de ls roques ye ua atibidade mui peligrosa i solo puode ser feita por quien ls conhece bien, porque ls hai mui benenosos.
Mas antre la giente mais bielha hai buonos conhecedores de ls roques i que ls recúolhen para comer i até para bendéren. Fui anteressante ber la cuntidade de bariadades de roques que hai pul termo, mas l que fui de mais admirança fui l roque gigante que ancuntrórun i que mais parecie un guarda-chuba.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
