Esta ye ua ambora que merece ser screbida solo an mirandés porque ye l’ancontro de ls ex-cumbatentes de l cunceiho de Miranda que stubírun an Angola, Guiné i Moçambique i que lhebórun l mirandés cun eilhes. Hoije fúrun recebidos pul presidente de la cámara cun todas las honras ne l salon nobre de la cámara.
Apuis fui einougurada la placa culs nomes de ls que morrírun na guerra, fui ua houmenage que eimocionou a todos i eiqui deixamos l agradecimiento a la cámara, mas an special al sou presidente, que siempre colaborou culs ourganizadores de l’eibento i que apuis de haber dado l nome a ua rue, l anho passado, quijo que este anho se ponisse alhi essa placa.
Ua missa por todos ls ex-cumbatentes de l cunceilho, que yá nun stan bibos, fui tamien rezada na sé catedral.
Por fin fui l’almuorço, na pousada de Santa Catarina, onde ex-cumbatentes i familhiares cumbibírun.
De todo bos deixamos ls retratos para ber se ls que nunca benírun a estes ancontros, gánhan fuorças para beníren l’anho que ben.
