L HOIJE nuns tubo alhá, mas stubírun outros amigos de l HOIJE i de la lhéngua i screbírun subre l que se passou, António Cangueiro e Leonardo Antão.
( www.frolesmirandesas.blogspot.com )
Ye de l que screbírun eilhes, l testo que se sigue.
Tamien ls pauliteiros de Dues Eigreijas stubírun a animar la fiesta.
…Die 5 de Outubre de 2011, an Palmela, foi çtapada ua placa que diç: Rua La Lhéngua Mirandesa (2ª lingua oficial portuguesa)…
…A las dieç de la manhana l juntouro ampeçou a crecer i ls amigos de la lhéngua mirandesa fúrun-se arrimando no lhargo de la eigreija de Palmela…
…Einougurar ua rue cun nome de Lhéngua Mirandesa ye ua proua mui grande, mas para chegar eiqui muita auga chobiu an Palmela i ne l Praino, puis todo ampeçou yá an 2005…
…Hai un home que se chama José Augusto Monteiro, de Dues Eigreijas, que fala, teima i lhabuta para tenermos nomes de rues "Lhéngua Mirandesa", puis yá tenemos outra rue, an San Deimingos de Rana, cunceilho de Cascais, de que tamien fui el l antuante…
…Esta einouguraçon cuntribui muito pa la promoçon i pa l reconhecimiento stórico de la lhéngua mirandesa i de l nuosso pobo mirandés. Bien habas amigo José Monteiro por este amportante trabalho de dibulgaçon de la lhéngua mirandesa. Cumo bien diç Abelhon “Inda bai a ser la ruga más amportante de Palmela”…
