L uso de las maçcarilhas ben de loinje, zde que l’home tubo necidade de se çfarçar para bibir. La lhuita pula bida oubriga muitas bezes a tener que usar maçcara para se defender.
Mas l’uso a las claras ampeçou quando l triato passou a ser ua atibidade na antiga Grécia i apuis durante l ampério romano. Mas an todas las cibelizaçones hai amboras de se tenéren outelizado.
An Tierras de Miranda hai inda hoije muita tradiçon de l sou uso.
La associaçon “Lérias”, nun workshop, fizo estas maçcaras para un spetáclo de l Grupo de Triato de Palaçuolo – l Caramonico.
Stan an sposiçon na Associaçon de Atanor, adonde podeis ir a bé-las.
