Obras hai mui zeiadas. Drento dun més, l Bairro de Santa Lhuzie i l Bairro Berde, an Miranda de l Douro ban a star anteiramente renobados. Las obras de requalificaçon anclúen la pabimentaçon de las rues, la custruçon de passeios, anfra-struturas eilétricas i melhories ne l scoamiento de las augas plubiales. Para Artur Nuns, persidente de la Cámara Municipal de Miranda de l Douro, estes trabalhos éran prioritairos i hai muito aguardados puls moradores. “Stamos a recumbertir aqueilhes bairros, requalificando-los. L bairro Berde ten un protocolo cula EDP, ne l qual l munecípio se cumprometiu a fazer obras ne l prazo dun anho. Ne l causo de l Bairro de Santa Lhuzie hai mais de 30 anhos que nun tenie qualquiera anterbençon, por esso achamos prioritária essa anterbençon”.
L'ampreitada ten un custo total para ambos ls bairros de cerca de 1 milhon d'ouros, cumparticipados a 80% pul Porgrama Ouperacional Regional de l Norte.
