Eidosos
de l cunceilho de Miranda de l Douro reunírun-se para comemorar l Die de la
Amisade. L'ancuontro tubo lugar ne l Recinto de Nuossa Senhora de l Naso, i ajuntou cientos de pessonas. Ls eidosos fúrun chegando, benidos de las bárias
tierras mirandesas, i por buolta de las 11 horas yá éran anchos ls cientos de
pessonas que se ajuntórun ne l recinto
para assistir a la celebraçon de a missa. Las oupeniones fúrun ounánimes. Todos
stában felizes por rebéren amigos, partilháren sentimientos i matáren souidades
d'outros tiempos.
“Acho bien ajuntar la populaçon, hoije
ancontra-se eiqui to l mundo”. “Ye un
cumbíbio que bal la pena, ye l’único die an que la giente puode cumbibir culs
amigos”. “Ye ua cousa buona cumbibir culas pessonas que stamos anhos sin las ber”. “Acho buono,
mas debíemos ser nós a pagar porque l stado stá probe”. Éran estas las frases que mais oubiemos.
Un
ancontro, que segundo Artur Nuns, persidente de la cámara municipal de Miranda,
ye ua forma de cumbatir la solidon. “Ye un die d'ounion, d'amisade antre todos
ls mirandeses. Ye un die dedicado a las pessonas mais eidosas. Juntar l cunceilho, las pessonas eidosas, ye
ua forma deilhes se rebéren, de partilháren aqueilho que fazírun durante to
l'anho. Para nós ye de strema amportança balorizar todo un patrimonho que nós
tenemos que son ls eidosos”.
Poesie,
jogos tradecionales i animaçon musical marcórun este die de cumbíbio. Ua
eniciatiba, qu'anchiu por cumpleto l recinto de Nuossa Senhora de l Naso, an
Miranda de l Douro, adonde ls mais bielhos fazírun la fiesta.
