“Miranda cun Querença. Zambolbimiento
de la raia mirandesa”
La
Associaçon de ls Agricultores de l Praino Mirandés, anforma que stá abierto
cuncurso pa la seleçon de lhicenciados an Angenharie Florestal, Angenharie
Ambiental, Biologie i Geologie, Angenharie Cebil, Turismo, Eiquenomie, Zeign ó
Anformática, Gerontologie para antegráren l porjeto “Miranda cun Querença -
Zambolbimiento de la raia mirandesa”.
Este
ye un porjeto que ten cumo oujetibo
percurar soluçones para dinamizar l território i las potencialidades criadas
por esta region promobendo la balorizaçon de ls atibos andógenos i de la
cultura lhocal de cinco aldés de la Raia Mirandesa, San Martico de Angueira,
Cicuiro, Custantin, Anfainç i Paradela, dando-les ua bocaçon pa l sou
zambolbimiento.
Este
ye ua eniciatiba promobida pula Associaçon de ls Agricultores de l Praino
Mirandés, Cámara Municipal de Miranda de l Douro i la Ounibersidade de
Trás-los-Montes i Alto Douro.
La
filosofie de l porjeto “Miranda cun Querença- Zambolbimiento de la raia
mirandesa” anspira-se i siegue la metodologie de l Porjeto Querença, promobido
an Querença, cunceilho de Lhoulé, pula Ounibersidade de l Algarbe, pul
Munecípio de Lhoulé i pula Fundaçon Manuel Biegas Guerreiro, cuntando cul apoio
técnico de l'eiquipa de Querença. L porjeto antegra la Rede Nacional de
Porjetos cun Querença.
La
metodologie ten por fundamiento ua Açon-piloto de Porblen-solbing i
ambestigaçon-açon, daprender, aprender i ampreender ne l própio lhocal, atrabeç
de l cuntato direto culs porblemas i cula populaçon de las cinco freguesies de
l cunceilho de Miranda de l Douro, percurando soluçones einobadoras i
sustentables pa l'eiquenomie i pa la sociadade lhocal, antegradas nua stratégia
coerente i fuortemente articulada culas populaçones i culs recursos andógenos.
Ls
partecipantes deberan ambolber-se na bida de las aldés, perceber i antender las
sues potencialidades, trocar coincimientos i criar porjetos ampresariales nua
perspetiba sustentable i de lhongo prazo.
L
porjeto terá la duraçon de nuobe meses, cun ampeço prebisto an Janeiro de 2013
i término an Outubre de 2013.
Durante
l período an qu'antegran l porjeto, ls partecipantes recíben la bolsa de l
Anstituto de Amprego i Formaçon Profissional, d'acuordo cula portarie 92/2011,
de 28 de Febreiro.
