Son muitas las tradiçones deste tiempo
de Natal, uas cun mais i outras cun menos anhos, mas todas cun un sentido
comunitário.
La matáncia de l cochino ne l Sagrado,
passou a ser tamien ua tradiçon. Nun tenerá muita antiguidade, tal cumo se faç
hoije, mas nun deixa de ser l renacer de ua tradiçon bien antiga, talbeç de l tiempo de ls Zoelas, para quien l
cochino era ua de las fuontes mais amportantes
de la alimentaçon.
L cochino ó berron, era tratado cumo
un dius, yá que tribo que nun tubisse un berron para cobrir las femias era
probe.
Este berron era bien tratado i tenie
ua corte que mais parecie un santuairo.
Neste tiempo de l anho fazíen-se las
matáncias para la tribo, que eran siempre ua fiesta, dende l renacer de la
tradiçon!
