amadeu · 01/02/2007

editada dia 01-02-2007 0:34:31 por: amadeu

015 – Cunjugaçon de ls berbos an –er

1. Ls berbos acabados an –er ne l anfenitibo ampessonal são tamien coincidos cumo berbos de la 2ª cunjugaçon. Tamien eiqui solo bamos a falar de la cunjugaçon rigular, deixando ls berbos eirrigulares, que son muitos, para mais tarde.

2. Cunjugaçon de l berbo nacer

ANDICATIBO Persente naço

naces

nace

nacemos

naceis

nácen Amperfeito

nacie

nacies

nacie

naciemos

naciedes

nacien

Feturo

nacerei

nacerás

nacerá

naceremos

nacereis

naceran

Pertérito Perfeito

naci

naciste

naciu

nacimos

nacistes

nacírun

Pertérito Mais Que Perfeito

nacira

naciras

nacira

nacíramos

nacírades

nacíran

CUNJUNTIBO

ANFENITIBO

Persente

naça

naças

naça

náçamos

náçades

náçan

Amperfeito

nacisse

nacisses

nacisse

nacíssemos

nacíssedes

nacíssen

Feturo

nacir

nacires

nacir

nacirmos

nacirdes

nacíren

Pessonal

nacer

naceres

nacer

nacermos

nacerdes

nacéren

Ampessonal

nacer

CUNDICIONAL

nacerie

naceries

nacerie

naceriemos

naceriedes

nacerien

GERÚNDIO

nacendo

PARTECÍPIO PASSADO

nacido

AMPERATIBO

-

nace

naça

-

nacei

-

3. Pequeinha lista de berbos que se cunjúgan cumo nacer

aborrecer

acender

acuntecer

amboubecer

ampobrecer

angrandecer

antender

antristecer

arder

atender

baler

comer

deber

defender

depender

ferber

merecer

meter

oubedecer oufender

oufrecer

pacer

perder

pormeter

prender

sclarecer

squecer

stablecer

stender

zaparecer

4. Bálen para esta cunjugaçon bárias notas que yá ponimos pa la cunjugaçon de ls berbos an –ar, subretodo quanto als assentos.

Tamien eiqui fazemos algues ouserbaçones que ténen a ber cula 3ª pessona de l plural de alguns tiempos. Mais ua beç bamos a acumparar culas mesmas formas de l pertués, yá que uas bezes son aparecidas, mas outras bezes son mui defrentes.

.

1º causo:

mirandés

pertués

persente de l andicatibo

nácen

nascem

persente de l cunjuntivo

náçan

nasçam

2º causo:

mirandés

pertués

feturo de l andicatibo

naceran

nascerão

pertérito mais que perfeito

nacíran

nasceram

feturo de l cunjuntibo

nacíren

nascerem

anfenitibo pessonal

nacéren

nascerem

pertérito perfeito

nacírun

nasceram

Note-se bien que l feturo de l cunjuntibo i l anfenitibo pessonal son defrentes an mirandés, mas an pertués son armanos. L mesmo se passa cula 3ª pessona de l plural de pertérito perfeito i la mesma pessona de l pertérito mais que perfeito. Por esso hai que star cun atento para nun ambaralhar las dues lhénguas.

29 de Janeiro de 2007

Amadeu Ferreira