2giga · 04/01/2007

L

0462 - L aire de touro trai l friu ne ls cuornos.

0463 - L aire galhego spalha l’auga.

0464 - L airico de Santo Andrés, bal por trés.

0465 - L airico de Santo Andrés, pica de beç.

0466 - L amor para ser amado, ten que ser deseado.

0467 - L amor para ser querido, ten que ser renhido.

0468 - L anho bissesto de pan i palha inche l cesto.

0469 - L anho passado mordiu-me un sapo i este anho arrebentou l papo.

0470 - L bagar faç colheres.

0471 - L baraço nun quebra pul delgado, quebra pul mal filado.

0472 - L bieldre quienquiera l quier, mas l’oubeilha nó.

0473 - L bielho por ser mui bielho

I de muita antiydade,

Yá sabe l que bai a benir

Pul que há passado yá.

0474 - L bino i la moça quando l precúran.

0475 - L bino [ou outra cousa] stá mouro.

0476 - L buono passar an todo l tiempo, nun fai buno teçtamiento.

0477 - L burro an casa faç falta, mas naide le quier dar de comer.

0478 - L burro que mais trabalha nun ye l que melhor albarda trai.

0479 - L cabeço de la Mufalha, nun dá pan nien palha.

0480 - L caçuolo cumpon-se.

0481 - L coneilho debe-se de comer correndo, la perdiç cheirando.

0482 - L coneilho que solo conhece un buraco lhougo l fóden.

0483 - L denheiro parece que ye lhume.

0484 - L diabro sabe muito por ser bielho.

0485 - L die 21 de Márcio eiguala l die cula nuite i l pan cul chougarço.

0486 - L die de l’Assencion yá la fuolha ten ceçon.

0487 - L die de Natal yá los dies ténen l salto dun pardal.

0488 - L die de San Bicente yá nun hai ningua ourrieta adonde l sol nun entre.

0489 - L die de San Brás, ciguonha berás.

0490 - L die de San Lhorenço, bai a la binha i inche l lhienço.

0491 - L die de San Martino fecha tou pan, ambarra tou bino, mata tou cochino i pon-te d’a mal cul tou bezino.

0492 - L die de San Mateus, deixa ls páixaros que nun son teus.

0493 - L die de San Sabastian, tira l’oubelhica de l pan.

0494 - L die de San Silbestre, çpide-te deste.

0495 - L die de San Simão, alhebanta tou timon: de la sementeira, que de la relba não.

0496 - L die de Santa Catrina, pon los alhos na cortina.

0497 - L die de Santa Lhuzie, míngua la nuite i crece l die.

0498 - L die de Santa Luzie minga la noche i crece l die.

0499 - L die de Santa Marinha, bai a ber la tue binha; tal la bires, tal la bendímia.

0500 - L die de Santo Andrés, entra l eimbierno de beç.

0501 - L drumir ye meia mantenéncia.

0502 - L filho de judiu, a fraile se metiu.

0503 - L galho a la sue puorta canta de libardade, mas a la puorta de ls outros ancuolhe l rabo.

0504 - L gato ten siete fuolgos.

0505 - L home a meté-lo cua pala para casa i la mulhier a sacá-lo cul fundo dua agulha, aguanta mais la mulhier que l home.

0506 - L home pon i Dius çpon.

0507 - L home ye un piolho apegadiço.

0508 - L huospedo i l carneiro, als trés dies tóman cheiro.

0509 - L lhume al pie de la stopa, bai l diabo i assopra.

0510 - L lhume an cruç, nien arde nien dá lhuç.

0511 - L lhume faç frauga, nun falta auga.

0512 - L madeiro nun fuge a la stielha.

0513 - L mal entra a las arrobas i sal a las onças [ua onça ye ua quarta: ua meada ten quatro quartas].

0514 - L melhor nadador ye l que s’afoga.

0515 - L més de Márcio matou la mai cun ua scarambanada.

0516 - L miedo faç abultar las cousas.

0517 - L miedo guarda binhas.

0518 - L miedo guarda la binha.

0519 - L mintiroso ten las piernas mui curtas.

0520 - L mundo dá muita buolta.

0521 - L páixaro gordo come l fraco.

0522 - L páixaro que anda a bolar ye para aquel que l apanhar.

0523 - L palheiro ye cama de cabalheiro.

0524 - L perro de l’hourtelana, solo faç l que le dá la gana.

0525 - L perro i l nino ban para donde le dan carino.

0526 - L pormetido ye debido.

0527 - L pouco cumpon i l muito derrama.

0528 - L pouco cun Dius ye muito, l muito sin Dius nun ye nada.

0529 - L que ampreinha la mulhier an Outubro, bai pa la segada cul burro.

0530 - L que arde cura i l que aperta segura.

0531 - L que ardiu, queimou-se.

0532 - L que cul aire ben, cul aire se bai.

0533 - L que fur el sonará.

0534 - L que fur se berá.

0535 - L que nun se fazir an Márcio nun se faç an més nanhun.

0536 - L que nun se fazir ne l die de Santa Luzie fai-se al outro die.

0537 - L que se le há-de dar al rato, dá-se-le al gato.

0538 - L que ten que ser ten muita fuorça.

0539 - L que tira l friu tamien tira la calor.

0540 - L que tuorto nace, tarde ou nunca andreita.

0541 - L que ye buono bai-se.

0542 - L que ye mal lhebado, entra pula puorta i sal pul telhado.

0543 - L que ye rui tamien se cria.

0544 - L renhon de la calor.

0545 - L ruolo zde que ambiuba nun torna a tener namorada, nun pousa an ramos berdes, nin torna a buer auga clara.

0546 - L saber nun acupa campo.

0547 - L seguro morriu-se de bielho.

0548 - L tiempo dá-lo Dius de grácia.

0549 - L tiempo dá-lo Dius de balde.

0550 - L trabalho ye l ramo de l’anfermidade.

0551 - L trato faç l ganado galhego.

0552 - L touro para ser bun cubridor ten que star aleinho.

0553 - L’auga castelhana, las piedras abranda.

0554 - L’auga de berano, las moscas la bében.

0555 - L’auga de berano, nun mexe molino.

0556 - L’auga de San Bernardino, tira pan i nun dá bino.

0557 - La baca faç junta, l bui nó.

0558 - La biúda nuoba, na sue cama, pul muorto chora i por un bibo chama.

0559 - La biúba rica, casada fica.

0560 - La cabra i la ceinha son de quien las ourdeinha.

0561 - La candeia que bai delantre ye la que mais almeia.

0562 - La capa i la merenda nunca pésan.

0563 - La cousa bai mal, tanto dá dar de lhado cumo de cuostas.

0564 - La culpa naide la quier.

0565 - La eiducacion bai de l brício.

0566 - La fame ye mala, mas la sede ye pior.

0567 - La fazienda, que l amo la beia.

0568 - La fuonte de la rana, quando chuobe mana.

0569 - La giente nun ye de fierro.

0570 - La giente pon la fazienda, mas la fazienda nun pon la giente.

0571 - La jolda ye rama de mala bintura.

0572 - La lhuna más clara ye la de Janeiro.

0573 - La mai trabalhadeira fai la filha preguiceira.

0574 - La mais fina frol ye la que cheira mal.

0575 - La melhor maneira de lhebar la vida ye xufrir i calhar.

0576 - La mintira ten las piernas curtas.

0577 - La mulhier i la sardina, la mais pequenina.

0578 - La mulhier i la sardina la más pequenina: anquanto la grande s’amarra la pequeinha barre la casa.

0579 - La necidade mete la lhiebre a la carreira.

0580 - La poda berdadeira ye pul San Jesé.

0581 - La poda berdadeira ye pula Senhora de la Ribeira.

0582 - La ounion fai la fuorça.

0583 - La remana de l diabo pesa para todos ls lhados.

0584 - La ruola adonde ten ls uobos, ende ten ls uolhos.

0585 - La segada, tarde ou cedo, por San Pedro.

0586 - La sperança era berde, staba an riba dun carro, bieno un burro i comiu-la.

0587 - La stielha sal al madeiro.

0588 - La tierra fui metida no forno de dues bezes.

0589 - La yerba stá no culo de Maio.

0590 - Ladron que rouba a ladron, ten cien anhos de perdon.

0591 - Las beladas nun son buonas para nada.

0592 - Las cantadas ban i nun buolben.

0593 - Las chocas de l culo nunca stan an bun adego: se stan brandas, apégan-se als dedos; se stan duras, arríncan ls pelos.

0594 - Las falas nun s’apégan.

0595 - Las falas nun s’apégan a naide.

0596 - Las fiestas de l Naso i de la Trindade son adbogadas a auga.

0597 - Las forfalhicas de l cerron a la tarde buonas son.

0598 - Las forfalhicas de l cerron pula tarde buonas son.

0599 - Las forfalhicas de l cerron pa la tarde buonas son.

0600 - Las leis ban para onde quieren ls reis.

0601 - Las moscas nun se agárran cun binagre.

0602 - Las mulhieres nua casa dében ser nones i nun chegar a trés.

0603 - Las mulhieres son cumo l aire.

0604 - Las ourtigas son hunradas, ls ourtigones nien por isso.

0605 - Las palabras de giente tonta, dezi-las, nun dezi-las, tanto monta.

0606 - Lérias nun adúban sopas.

0607 - Lhabra tu ne l stercado que you lhabro ne l adilado.

0608 - Lhana carbenada, nun la mostres a la suogra,

porque pensa que ye muita i nun ye nada.

0609 - Lhadrar bien se lhadra, la porra ye zlhadrar.

0610 - Lhadron que rouba a lhadron, ten cien anhos de perdon.

0611 - Lhadrona i rabisqueira si, puta nó.

0612 - Lhebar l mundo a las cuostas.

0613 - Lhéngua afilada corta mais que spada.

0614 - Lhienço de seda an culo cagado ye stragado.

0615 - Lhume de bides.

0616 - Lhuna nuoba atrobejada, trinta dies ye molhada.

0617 - Lhuna nuoba tronada, trinta dies molhada.

0618 - Lhuna nuoba tronada, todo l més será molhada.

0619 - Lhuna rodrada, tierra molhada.

0620 - Loinge de la bista, loinge de l coraçon.

0621 - Los que fúren sanos de cuorpo i alma nun son probes.

0622 - Ls acidentes acuntécen na melhor hora.

0623 - Ls aires de Março, quéiman la dama ne l palácio.

0624 - Ls lhobos ban adonde hai chicha.

0625 - Ls miedos formamos-los nós.

0626 - Ls mius parientes son ls mius dientes i ls más achegados son ls bocados.

0627 - Ls uolhos son l speilho de l’alma.