Eisercício 003. Ampeçar III - Resoluçon

editada dia 22-10-2007 13:59:29 por: 2giga

Eisercício 003. Ampeçar III - Resoluçon

Las repuostas stan mui bien, mesmo mui bien. Houbo quien squecisse l miu recado de que «ls berbos stan todos ciertos .»

Queda eiqui ua chamada de atençon, que desta beç ten a ber cul assento circunflexo ^: an mirandés, apuis de la 1ª Adenda a la Cumbençon Ourtográfica de la Lhéngua Mirandesa, esse assento deixou de se ousar. Talbeç seia un eisagero, mas deixo eiqui la seguinte eideia para seguirdes: se nunca ousardes l assento circunflexo, an mirandés, correis menos riscos de screbir cun erros.

1. Ls abiones bótan un fumo bien branco i lhargo, i fázen uns rugidos defíceles de aguantar.

2. Las pessonas felizes dízen que bíben mais , mas tamien hai quien diga que nun son dieç (nº 10) an cien (nº 100).

3. Ls rapazes i las rapazas son ua mocidade que nin se dá de cuonta de l pouco tiempo que dura.

4. Ls pardales cántan ne ls beirales de ls telhados, mas quando cáien ne ls panes dan cuonta de ls granos.

5. Iba cuntigo a la huorta, mas l die nun stá al modo i assi puodo-me custipar.

6. Yá ye outonho i l més de outubre, mas ls frius stan a benir i até las manhanas yá son fries.

7. Á tie Ana , benga a mie casa a falar cun mie mai, mas benga lhougo senó eilha bai-se pa la cidade .

8. Tue mai que spere, que ls mius filhos mielgos tamien se quieren ir ambora.

9. Se fur tan bun rapaç cumo ye guapo , bien puode porparar la sue boda .

10. Ls buns suonhos bálen la pena , inda que mos tráian porblemas nuobos.

14 de Outubre de 2007

Amadeu Ferreira