N
0685 - Na casa chena debrebe se fai la cena.
0686 - Na Fraga Tantineira hai ua questureira.
0687 - Na muorte i na boda berás quien te honra.
0688 - Na pelaige se conhece un home.
0689 - Na terça, nin tou cochino mates, nin tue filha cases, nin tue tela urdas.
0690 - Na tierra por onde andebíres fai cumo fazires.
0691 - Nacer de pies no mundo.
0692 - Naide faga mal cun sentido que le benga bien.
0693 - Naide puxa al rabo de l burro cumo l duonho.
0694 - Naide puxa melhor l rabo de l burro que l própio amo.
0695 - Namorei-me de la bonita, nun me lhembrei de la fazienda,
agora muorro a la fome i de la bonita nun me lhembra.
0696 - Natal an praça, Páscoa an casa.
0697 - Natal na rue, Páscoa an casa.
0698 - Ne l die an que me casei, trés mudanças fizo l die: chobiu i anubrou, i fizo sol a meidie.
0699 - Ne l die de San Brás, la ciguonha berás.
0700 - Ne l die de Santa Cruç, la binha relhuç.
0701 - Ne l die de Santa Lhuzie, minga la nuite i crece l die.
0702 - Ne l eimbierno ls adiles súdan todos auga.
0703 - Ne l tiempo de la tomateira, qualquiera ua ye cozineira.
0704 - Nesta tierra terruca, quien nun trabruca nun manduca.
0705 - Nesta tierra terruca quien nun trabalha nun manduca.
0706 - Neste mundo nun beias a mal andar, que no outro nun me hás de ber penar.
0707 - Neste mundo só quem tem, / é que é engraçado e nobre;
Mais desgraça é a do pobre, / Por esses mundos além.
0708 - Nin camino sin atalho, nin campana sin badalho.
0709 - Nin d’a pie nin d’a cabalho.
0710 - Nin dá para chegar al diente caneiro.
0711 - Nin feio que mate, nin guapo que spante.
0712 - Nin salada nin salados.
0713 - Nin tan calbo.
0714 - Nin tan calbo, que se béian ls miolhos.
0715 - Nin tanto acachar, que se beia l culo.
0716 - Nin todo l que relhumbra ye ouro.
0717 - Nin todos ls que te cágan an riba te quieren mal, mas, quando stebires na merda, nun cantes.
0718 - No aporbeitar bai la ganáncia.
0719 - No die de Natal, há de tener l alho bico de pardal.
0720 - No die de San Mateus, deixa ls páixaros que nun son teus.
0721 - No nacer i no morrer giente há-de haber.
0722 - No ruin tiempo nun te mates i no buono nun te acaches.
0723 - No tiempo de las ubas, cada un a las sues.
0724 - Nos trés purmeiros dies de agosto, se houbir ourbalheira, fai-se buona sementeira.
0725 - Nozes ao saco, elas o dirão.
0726 - Nua obra hai siempre un capataç.
0727 - Nubre de Preinha, nunca acá beinha.
0728 - Nuites alegres manhanas tristes, barba sin tiempo pa que nacistes?
0729 - Nun bal círculas.
0730 - Nun bal la cinza dun cigarro.
0731 - Nun bal las copas dua çaranda.
0732 - Nun chobendo an Agosto, nun hai magosto.
0733 - Nun chobendo an Febreiro, nin bun centeno nin bun lhameiro.
0734 - Nun cuçpas pa l aire que te puode cair na tiesta.
0735 - Nun cuçpas pa l alto, cun dezir que nun te caia na boca.
0736 - Nun dá punto sin nuolo.
0737 - Nun dar parte de fraco.
0738 - Nun dar parte fraca.
0739 - Nun gastar respeito cun quien nun gasta juízo.
0740 - Nun hai Antruido sien lhuna, nien ganado sien ardunha.
0741 - Nun hai atalho sin trabalho.
0742 - Nun hai buona tierra sien bun lhabrador.
0743 - Nun hai carne cumo la de perdiç, mas se l cochino bolasse, nun habie outra que l ganhasse.
0744 - Nun hai clara nenhua que nun seia puta.
0745 - Nun hai melhor cunseilho do que l de l acutilado.
0746 - Nun hai melhor dita que chegar a la missa i ancuntrá-la dita.
0747 - Nun hai naide melhor que l amo para falar de l sou burro.
0748 - Nun hai que dezir mal de l anho antes que el passe.
0749 - Nun hai que fazer causo.
0750 - Nun hai que las ourdir mui grandes senó cústan a tapar.
0751 - Nun hai que tener miedo, que l miedo ben a la hora.
0752 - Nun hai rábia que cien anhos dure.
0753 - Nun hai atalho sin trabalho.
0754 - Nun le bolbiu repuosta nin calabaça.
0755 - Nun le cabie un frajon ne l culo.
0756 - Nun le falta la madre al hijo, nien la gelada al graniço.
0757 - Nun lo comer para nun lo cagar.
0758 - Nun m’agabo nin me zagabo, mas quien me la fazir há-de-me anguichar l rabo.
0759 - Nun me fais l niu atrás de l’oureilha.
0760 - Nun mexer ua palha.
0761 - Nun puode haber lucro sin çpesa.
0762 - Nun puoden ber la camisa lhabada a un probe.
0763 - Nun sabe se stá nacido se por nacer.
0764 - Nun saber de la missa a meio.
0765 - Nun s’apaga fuogo cun stopa.
0766 - Nun se árdan solo ls bienes.
0767 - Nun se bota l carro antes de ls buis.
0768 - Nun se caçan truitas a bragas anxuitas.
0769 - Nun se fizo Çamora toda nua hora.
0770 - Nun se gasta respeito cun quien nun gasta juízo.
0771 - Nun se puode ber la camisa lhabada a un probe.
0772 - Nun se puode fazer cumo l que fui a cardos,
que trouxo ls cardos i deixou alhá las lhibras.
0773 - Nun se puode tener l tranco mais grande que la pierna.
0774 - Nun te fies an perro que nun lhadra, nin an home que nun fala.
0775 - Nun te mates pedrica, naciste para probe nun chegas a rica.
0776 - Nun te metas an cerjano sin coincer las yerbas.
0777 - Nun te pongas na bentana, nun me seias bentaneira,
Que la cuba de l bun bino, nun percisa de bandeira.
0778 - Nun te rias de l tou bezino que l tou mal ben no camino.
0779 - Nun ten adonde cair muorto.
0780 - Nun tenendo muola que mais me duola!
0781 - Nun tener adonde caier muorto.
0782 - Nun troca un uobo por outro.
0783 - Nun ye cun binagre que se acáçan las moscas.
0784 - Nun ye guapa que ancante, nin feia que spante.
0785 - Nun ye priessa de sacramiento.
0786 - Nunca l’ambejoso medrou nin quien an pie del morou.
0787 - Nunca se biu die de Natal sin gaita.
0788 - Nunca se biu un perro a comer un cabalho.
0789 - Nunca se matou un ouriço cacheiro a çupapos.
0790 - Nunca sirbas a quien serbiu, nin pidas a quien pediu.
0791 - Nuobe meses d’eimbierno i trés d’einfierno.
0792 - Nuosso Senhor castiga sin palo i sin piedra.
0793 - Nuozes al saco, eilhas l diran.
