Y
1263 - Yá daprendiu cumo s’assa la manteiga ne l speto.
1264 - Yá hai granicos, merda pa ls ricos.
1265 - Yá la formiga ten catarro.
1266 - Yá nin puchero nin torrada.
1267 - Yá nun bai d’anjo.
1268 - Yá que se me morriu la mie cochina, que se muorra la de la mie bezina.
1269 - Yá sufre l einfierno an bida.
1270 - Ye bien saber de todo.
1271 - Ye burro bielho.
1272 - Ye comer i ber comer.
1273 - Ye cumo achar ua agulha ne l muradal.
1274 - Ye cumo l perro de la hourtelana, solo faç l que le dá la gana.
1275 - Ye cumo l tiu maragato: trai ua chola i un çapato.
1276 - Ye cumo la beleta de l campanairo.
1277 - Ye cumo la cuonta de baca tonta, morriu-se la baca i acabou-se la cuonta.
1278 - Ye cumo la fuonte de la rana, quando chuobe mana.
1279 - Ye denheiro d’antramoços.
1280 - Ye doutor de scanho feito ‘á lareira’.
1281 - Ye l diabro an figura de giente.
1282 - Ye l diabro an pessona.
1283 - Ye mais fácele ancuntrar un cuorbo branco, que un sendinés sério.
1284 - Ye melhor dar a malos que pedir a buonos.
1285 - Ye melhor dar un peido que pedir un çton a un barbeiro.
1286 - Ye melhor deixar a malos que pedir a buonos.
1287 - Ye melhor la justícia a la puorta do que la mezericórdia.
1288 - Ye melhor recebir díbeda bielha, que pedrada nuoba.
1289 - Ye melhor tener fama de malo do que fama de cuitadico.
1290 - Ye melhor tener un silbeiron que un mal bezino a la puorta.
1291 - Ye puta bielha.
1292 - Ye ua cousa de se le tirar l chapéu.
1293 - Ye ua cousa de lhana caprina.
1294 - Ye ua pessona bogal.
1295 - Ye un alforjeiro.
1296 - Ye un uosso duro de rober.
1297 - Ye un culo roto.
1298 - You çque bi la piel de la baca na feira, lhougo bi que nun me fazie la sementeira.
1299 - You ainda tengo adonde me canta la chínchara.
1300 - You te batizo cigano, eiqui neste ribeiro, tengas uolho listo i pie legeiro.
