Anton ye para dezir que hai un nuobo corretor an Mirandés!
L corretor inda tem erros mas assi que seia possible haberá atualizaçones!
Yá se ajuntou mais ua cambada baliente de pessonas!
L Firefox ye un nabegador de l anterneta. Ye cumo l Internet Explorer que yá ben cul Windows, mas l Firefox ye de graça i zambulbido por quien quejir. Uns dizen que ye mais rápido, que ten mais anzonas. Nun antressa. Antressa ye que solo cun el funcemina l corretor este.
1. Para quien nun ten inda l Firefox ye anstalar Firefox
1.1. Ir al site http://www.mozilla-europe.org/pt/firefox/
1.2. Sculher Transferéncia
1.3. Guardai l fexeiro adonde bós der mais rábia mas que apuis bós lembre del
1.4. Carregar duos bezes ne l fexeiro i scolher mais ó menos sempre seguinte
2. Anstalar l Corretor
2.1. CUL FIREFOX (CUL INTERNET EXPLORER NUN DÁ)ir a http://www.corretormirandesbeta.pt.vc/
2.2. Guardai l fexeiro adonde bós der mais rábia mas que apuis bós lembre del
2.3. Cul Firefox abierto ir a la barra de ferramientas Fexeiro-> Abrir Fexeiro
2.4. Scolher Anstalar
2.5. Fechar i abrir outra beç l Firefox( aparece ua opçon reampeçar)
2.6. Cul buton dreito nun campo onde se puoda screber testo scolher idioma i apuis MWL.
2.7. Dar erros i acaça-los J
Para ber melhor ls passicos cun eimages ye solo ir a http://www.photoblog.com/sendim/2008/09/06
Qualquier dúbeda nun bós fagais de ambergonhados i preguntai.
Aspero que bós faga bun porbeito,
Cristóvão Pires aka Cecílio
29 repuostas
2giga 7 de setembre de 2008
Benga. You ya spurmentei i la cousa funcemina :P
Ye cumo star a screbir ne l Word an pertués, mas agora an mirandes, el bai corregindo ls erros.
cecilio outor 7 de setembre de 2008
Agora peç que hai almanechas a screbir ne l messenger an Mirandés! Jasus!
Adonde bai a parar l mundo!
Anton agora hai un porblema! Hai eiqui uas çcuçones para saber qual cumo se debe screbir LOL, l tan famoso "laugh out loud" que quier dezir "rir mui alto".
Andan para eiqui a dezir que debe ser "LUL" outros dizen que quando muito quedaba "RISA".
Buono you sou pul LUL que até puode pegar!
Eiqui deixo anton la dúbeda i queda abierta la çcuçon pública.
LUL
Cecílio
2giga 7 de setembre de 2008
Nun cuncordo, LUL ya ye nome i nun puode ser de mais naide...
Ya sta demarcado. Por esso tenemos de ambentar outra. Ya bou a pensar.. RISA
almendra 7 de setembre de 2008
Tamien cuncordo cun RISA.
Mas onte fazistes-me la cabeça an auga para antender esso de l corretor.
Bamos a ber se agora yá mais giente se anima a screbir.
cecilio outor 7 de setembre de 2008
You nun cuncordo cun RISA. Nun ye Rir Mui Alto, peç solo ua risa moderada. Yá que LOL ye ua sigla anton debie tamien ser outra sigla por eisemplo,
Scangalhar-se a rir -> SAR.
Anton yá spurmentou l corretor? Cunseguiu anstalar puls passicos? Yá Pedro diç ls passicos nun stan bien i nun le dá, inda que ua beç yá l cunseguiu anstalar.
Preguntai eiqui se nun der para anstalar, estas anzonas puoden sempre dar arrelias i alguien puode lougo ajudar.
Se tubírdes bergonha preguntai para cristovaopires@gmail.com
Cecílio
cecilio outor 7 de setembre de 2008
L porblema de Pedro era que el staba a sacar l corretor cul Internet Explorer. La Microsoft nun debe gustar tanto de l Firefox que até demudan las stençones i apuis yá nun funciona! Hai que sacar de la anterneta l fexeiro de l corretor cul Firefox. Solo assi funciona i queda cun la stençon .XPI.
almendra 7 de setembre de 2008
Yá cunsegui, mas quando tornei a spormentar yá daba mal ou fui you que me squeci de fazer eigual.
Desanstalei todo e yá bou a spormentar outra beç.
Mas ten que dar, l pior ye anstalar l corretor que nun deixa.
Carlosferreira 7 de setembre de 2008
Esto de la giente nuoba poner l mirandés drento de las nuobas tecnologies, ye formidáble. Inda outordie almorçaba you cul conhecido jornalista Carlos Magno, que ye de Binhais i mirandés cumbencido i dezie-me el: l mirandés ó entra drento de las nuobas tecnologies i la giente moça ó anton bai a ser inda mais çfícele.
Ye mui buono que las dues cousas acuntéçan.
Mas sabeis, you stou un pouco cumo Almendra, ó anton cumo Alberto Caeiro: "Para que sirbe tener un piano i oubir tocar nel ls sonidos de la natureza? L melhor ye tener oubidos i oubir la natureza eilha própia!" i you cumo tamien nun sou un ás de la anformática digo: "para que ye perciso tener un corretor?! L melhor ye saber screbir sien erros!" LUL & SAR.
Parabienes Cecílio.
Abraço.
Carlos Ferreira
cecilio outor 7 de setembre de 2008
Si porsor Carlos Ferreira. L melhor ye saber screbir mas l corretor nun fui criado para ansinar a screbir. Esso ten que ser ne l curso de l SAL ó assi! Fui criado para acaçar palabras mal scritas quando las pessonas se çcuidan i fui tamien para las pessonas que stán a ampeçar a daprender a screbir nun les custe tanto ancarrilhar.
Yá agora pul que stou a ber inda naide spurmentou :-P! Solo eu, Pedro i Coixo!
Tenendo l Firefox anstalado cuido que ye fácele!
L único porblema que puode haber ye ir al site adonde stá l corretor cul Internet Explorer. Nun puode ser. SOLO se puode sacar cul Firefox.
(para bereis cumo stá l stado atual de l corretor neste cacho de testo "solo" nun le chaldran las palabras "çcuidan", "les" i "spurmentou" [i alguns nomes própios]).
Cecílio
2giga 7 de setembre de 2008
L corretor funcemina cumo l WORD pal pertues. Quando screbemos un decomiento an pertues ne l word el corrige to las palabras. Aqui ye eigual. L nabegador Firefox ya trai ua ferramienta de correçon, assie nun ye preciso por eisemplo eiditar l testo purmeiro ne l word para ber ls erros i apuis colar-lo aqui. Basta screber-lo aqui, porque el faç l mismo. An pertues ya corrige, anstalando l Pacote de l mirandes, que bamos a porparar i a atualizar pa que cada beç tenga mais palabras, ya se puode screbir i ber que mos anganhemos nua palabra o assie, porque el eidentefica-la.
Por eisemplo se scribo "ya", el bai a assinalar erro pq me squecie de l assento "yá".
Nota: este testo nun fui screbido cul corretor.
santyago 7 de setembre de 2008
Ye buona ideia esta cousa de l corretor. Falo por mi, pus you cumo, quaisjeque nun sei nada de l mirandés, cun ls erros i la correcçon aprendo mais uas palabricas.
Reparei, este texto apesar de scalhar tener inda muitos erros, yá l consegui screbir an mirandés. Por esso, parabéns pela iniciatiba Cecilio.
Quien me dera nun necessitar dele, mas por auora ten que ser.
Quanto al sorriso, you sou adeto de LUL, bós nun beis que ye mais "fashion"
almendra 7 de setembre de 2008
L corretor faç falta, ten ye que ir sendo atualizado i melhorado.
Ls nuobos ye que son l feturo i todo l que aparecir para anteressar las pessonas por l mirandés ye buono.
Anstalei l firefox, mas nun cunsigo ir a sacar l corretor a la anternete.
Quien me ansina?
amadeu 7 de setembre de 2008
You yá bou para bielho, mas yá nun passo sin estas cousas. Cuntai cumigo para trabalhar nessta nuoba ferramienta, que ye eissencial para screbir sin erros. Nó para aprender a screbir, que para esso hai que saber las regras i praticar muito, l que até nin ye defícele.
Quanto a esso de LUL que tal se quedasse ALT [arreganha la tacha]?
Parabienes, Cecílio. Bamos ambora, que ben ende l eimbierno i se un para queda atrecido.
Amadeu
francisco 7 de setembre de 2008
Bouno trabalho está del corrector. El firefox a mi pou-me l computador mui
debagaroso.
Quanto a a LUL nume parece, ye un sonido fechado, LOL ye abierto, mas you nunca gostei de LOL, portanto tamien LUL nun me parece, mas hai que star atentos a las palabras de las outras lénguas.
Á Carlos el tau homónimo ye l´analísta político mais sereno i pragmático en mi openion, parece-me que ten la sue rezon.
JMCA
2giga 7 de setembre de 2008
Tiu Almendra, fazei assie:
Al firefox bamos a chamar-le Nabegador. Ye un programa de la concurrencia de l Anternet explorer:
Abrir l firefox an beç de l Anternet explorer. Ne l andreço screber: http://www.corretormirandesbeta.pt.vc/ e apuis ok, bai a abrir ua jinela que diç pa guardar ou abrir un fecheiro.
Guardai-lo nua pasta o ne l ambiente de trabalho. Nun squecer onde sta guardado. Apuis ir an riba a la squierda a fecheiro>> abrir fecheiro e procurar esse fecheiro ne l ambiente de trabalho i deixar que este se anstale.
Apuis desso solo ye reeiniciar l programa Firefox. El pide pra reeiniciar.
Pronto ya sta.. Agora pa q l corretor funcione pal mirandes an beç de l Pertues teneis que fazer esto:
ne l campo de testo (onde se scribe) carregar cul boton dreito de l rato para abrir un menu i a la puonta de baixo scolher IDIOMAS > mwl
que ye l de mirandes. Pronto. mirai ls retratos.
almendra 8 de setembre de 2008
Falta qualquiera cousa. Onde stá l campo de texto?
Apuis de reiniciar nun aparece nada.
cecilio outor 8 de setembre de 2008
L campo de testo ye por adonde quesir! Cumo l Firefox ye cumo l Anternet Explorer puode ir al SAL ó ir adonde le der más rábia! Anton pula anternet nun faltaran campos de testo (qualquier campo adonde se puoda screbir) para spurmentar.
Se quesir un grandre bote a ber:
http://student.dei.uc.pt/~crpires/teste.html (haa Pedro pon un link a abrir nuoba jinela)
Yá agora l SAL a las bezes nun se antende cul Firefox, pul menos a poner las notícias de l Hoije inda nun debe dar. A ber se Pedro resolbe la cousa! :-P
Cecílio
almendra 8 de setembre de 2008
Cun estas cousas todas inda me poneis boubo. Mas an acertando de brebe bos agarro.
L HOIJE andaba atrasado, mas yá bai nua bolina, que ides a ber.....
almendra 10 de setembre de 2008
Yá funciona,solo ye aperfeiçoar.
Agora bou a ber l que faç falta fazer para quedar perfeito.
Tenen que se meter ls berbos i l dicionairo.
Cecílio tubo que me aturar mais dua hora, mas baliu l pena.
gabilan 10 de setembre de 2008
buonas.. tardes.
Yá funciona.. bien,, ai solo que poner ls berbos e las formas berbales. .
mui biem. parabens a a la einiciatiba
cecilio outor 11 de setembre de 2008
Biba,
stá a ser traduzido l lhugar de l hi5. (www.hi5.com).
L site ye cumo alguns yá saberon subre "quadrilhas"(traduçon que yá meti, an beç de "círculos") de amigos.
L site INDA nun stá an Mirandés, mas quien se registrar i se ajuntar al grupo http://www.hi5.com/friend/group/3575718----front-html puode lougo(apuis de aceite ne l grupo) proponer palabras que ache melhores que las que stán.
Botai a ber.
Cecílio
ps: Pedro se faç fabor pon links que ye capaç de ser mais fácele!
ps2: Pedro 2Giga diç que l hi5 ye para garotaige que nun ténen mais nada que fazer. LUL RISA SAR ALT mas ye ua maneira de achigar la lhéngua als mais nuobos.
ps3: al traduzir l site pudeis usar l corretor se usardes l Firefox :-)
almendra 11 de setembre de 2008
Tamien cuncordo que se debe meter l mirandés ne l hi5, ls nuobos tamien ban a gustar de ls termos sendineses i mirandeses.
Mas hai que tornar mais fácele l corretor, que para antrar inda nun ye para todos.
L pior ye para aplicar l corretor als testos i fálta ajuntar l dicionairo que yá eisiste.
cecilio outor 11 de setembre de 2008
Esta ende anton un NUOBO site http://corretormirandes.pt.vc/. Bou alhá ponendo stórico de las berçones.
Yá ten ua nuoba berçon 0.2(inda ye beta, quando fur stáble será 1.0). Se fazirdes cumo an la outra, GUARDAR NE L DISCO CUL FIREFOX ye quaije cierto que funcemine. Al anstalar el substitui el corretor antigo lougo.
Esse corretor yá ten alguns berbos melhores(oubrigado a Amadeu por tener uns quantos cunjugados) i yá aceita por eisemplo "l´", "q´", "s´"... an palabras ampeçadas por aehiou.
Mas claro esto demora l sou tiempo. L corretor ten miles de palabras base fuora las bariaçones cumo plurales, singulares, cunjugaçones de berbos.
Yá agora ye cumplicado usar porquei porsor Almendra? Ye cumo ne l Word. Marca l erro a burmeilho. Se quejirdes corregir ye carregar cul boton dreito de l rato an riba de la palabra a burmeilho i ber las sugestones, por eisemplo screbindo "chafariz" ye cierto que el marque erro i diga pa poner "chafariç".
Cecílio
BengaCafe 12 de setembre de 2008
Num ye nada cumplicado... Mui bien Cecílio... Pa lantre ye que ye el camino... Bamos a falar cun Bill Gates para meter nel office...
cecilio outor 30 de deziembre de 2008
Stá çponible, feito an quatro tiempos, un nuobo Tradutor (nun cunfundir cul outro corretor).
La morada ye http://tradutormirandes.pt.vc/ . Cumo todo, nien ye perciso dezir las máquinas son la cousa mais burra de l planeta i pa fazer algo ten que se le mandar.
Assi ls erros de l tradutor ye porque alguien mandou traduzir mal a la máquina.
Bá, ls de l Google nun fazien melhor i ténen mais tiempo i denheiro.
Buonas fiestas pa todo mundo,
Cecílio
amadeu 31 de deziembre de 2008
Buonas nuites Cecílio i muitos parabienes pul tou trabalho.
Fui alhá i screbi ua frase, que l tradutor traduziu assi:
"Fago botos para que l'anho de 2009 seia de paç, i que l mundo caminhe para melhor."
Mui bien. Starie perfeito se an beç de «caminhe» stubisse «camine».
Gustei.
Bun anho,
Amadeu
cecilio outor 31 de deziembre de 2008
Cumo l senhor bien sabe, hehe, nunca bai a quedar perfeito. Seia de Anglés pa Pertués. Basta ber que lougo se bei ua traduçon por eisemplo de l Google ó de ua pessona(que pensa ALT). Hai sempre mais algo que nun queda bien, mas ye sempre ua ajuda.
Até digo outra, cumo stá l tradutor esse, la mesma palabra puode ser traduzida de modos defrentes.
Inda bou a ber se crio ye ua páigina por ende na Biquipédia pa sugestones. :-)
Bun anho,
Cecílio
cecilio outor 31 de deziembre de 2008
Cuido que nessa frase yá stá bien que stube a amanhar(puode tener que refrescar l browser cula tecla F5).
Pa deixar sugestones de cousas mal stá agora la páigina http://incubator.wikimedia.org/wiki/Wp/mwl/Tradutor_Mirandés.
Mais ua beç buonas fiestas i bun anho nuobo pa todo mundo,
Cecílio
francisco 9 de janeiro de 2009
Bom quero te dar os parabéns pelo tradutor, mas não regeonalizes a coisa de mais se não..... tu não entendes.....
Abraços
JMCA
