Feturo Sendin

Ei, faziste bien an abrir este tema. Passados 4 anhos, tornamos al mismo i las soluçones que a mi me pareçan mais neçarias, son cumo hai 4, 8 e mais anhos LA SALUDE e LA EIDUCAÇON. Cun gobernos centralistas que tenemos, als quales solo amporta las capitales, será mui deficele pa qualquera camara o junta fazer algo melhor do q aqueilho q tenan feito, mas la berdade ye que las pessonas nun ban para sitios onde nun tengan soluçones de apoio an salude i eiducaçon para eilhes i pals filhos.

Nun adelantra andar cun turismos i andustrias quando an caso de necitar de ua eimergencia médica, esta steia a mais de 1 hora de camino...

Ne ls tiempos de hoije, cuido q naide quier outra cousa q nó la sue salude assegurada. O seia, quando necitar de ir a un spital, este steia acerca i le puoda dar resoluçones pal caso.

L Porto, assie cumo Coimbra i Lisboua, sta cheno de Sendineses que moran an Sendin i benan a las sues consultas. Cousa q faç perder dies de trabalho sin falar ne ls transtornos de las biaijes.

Cada un sabe de si, mas pensando ne l simples caso de ua pessona s'ancuntrar nun sitio onde an caso de acidente grabe, un serbicio banal ne ls dies de hoije cumo l INEM, quando chega al sitio de socorrer la pessona demora mais de 1 hora i ya chega tarde... pon-me a pensar...

Abraços

Pedro

Pus buonas noites para todos.

Mira l que fac falta para Sendin i a sue buolta, ye ua politica de fixacon de pessonas, se para uns ye pula cultura, para outros ye pula eiquonomie ou pol turismo la cousa ye eigual, l que anteressa ye que se arranje maneira de quedar pessonas.

Tamien nun beio Sendin eisolado, anbora se deben i pueden fazer cousas que en outros sitios nun se fazen, haba possibelidade para esso. Mas Sendin eisoladamento nun sou capac de le ber, porque el ye ua parte que pertence a un todo.

Tamien quiro dezir que las cousas podien star muito mais adelantradas, se ls que stan a la frente de las anstituicones i nun falo solo de la camara i de la junta, fussen para lha para serbir i no para ser serbidos. I sera por esso que la credebilidade de las anstituicones nunca batiu tanto no fondo, quaije que naide acradita neilhas a nun ser ls poucos que son serbidos.

I hoije sculpai que este cumputador nun da assentos nin c de cedilha.

Ate outro die i botai alha...

ze mialito

Quarenta besitas adepuis que you screbi, trinta ate l die a seguir, buna, i naide botou nin chapo.

Nien politicos, nien jornalistas, nin dirigentes, nien alcaldes, nien candidatos, nien fazedores de openion, nien fourcas bibas ou muortas, naide botou nada, quando se trata del feturo de Sendin!

Buno l modelo del blog ya ye so de leitura, hai que pensar en outros modelo para poner esto a zunzinar, zgotou-se?

ze mialito

Inda hai bida porqui ó esto yá ye Marte?

Se Esto fusse Marte éramos ambadidos…mas bida hai cierta mente, anque you nun l cunfirmar hai muito, mas suidades de ir alhá tenho…

I l que faç falta an sendin ye animar la malta…i cumo anima-la? Nun sei..

Ua cousa ye cierta se fazirmos l cumparatibo de l tamanho de las localidades a un íman, la capacidade de atraçon para dar l salto ye mui pouca, esto se cuntinar la politica de reduzir serbícios atrás de serbícios, an to l anterior.

Cumo diç Pedro las pessonas percisan de serbícios i you acresciento, ls serbícios percisan duplamente de pessonas (para trabalhar i para clientes). Anton se nun hai pessonas para que tener determinados serbícios, ye solo prejuízo.

Mas nun hai que criar un zambolbimento eiquilibrado nas bárias regiones de l paíç, senó se apostan an serbícios ne l anterior, cumo se puode eibitar l sou sbaziamento populacional.

Cumo nun se bislumbra ls Gobernos apostar an eibitar l sbaziamento de l anterior, tenemos de ne ls zamrascar para nun ne ls afundarmos…

Un principio a seguir ye regressarmos a las ouriges siempre que puodamos, nin que seia un die, un fin de sumana, (you pecador me cunfesso), Sendineses somos muitos, i pouco a pouco anche la galhinha l papo, ó seia al regressarmos mais bezes, stamos a dar bida i a ajudar a manter bibo.

Outro principio ye tratar bien quien ne ls besita, la porbabilidade de tornar ó de anfluenciar alguien para tornar ye grande, i tratar bien ye pula boca i çponibilidade para ne ls darmos a coincer, porque l resto stá assegurado pulas caratelísticas de la region (arribas).

Na mie oupinion ye por eiqui que poderemos oubter sucesso relatibamente al que depende solo de nós, quanto al que nun depende de nós ye perciso criar oubjetibos i eisigir an cunjunto puls outarcas de la region.

Bamos eimaginar l que serie reduzir l númaro de cámaras municiales i ua a ancerrar era la de Miranda, l que sucederie daqui a uns anhos a Miranda …

Ne l anterior ye amportante ambestir ne ls serbícios i ambestir an nuobos serbícios, mesmo que la cúrtio prazo deia prejuízo, mas ye neçairo para ancurtar defrenças sociales antre meio rural i meio ourbano i tentar ambertir la tendéncia de fuga de las pessonas para ls centros ourbanos.

Biba Dabid.

Digo de cada bec que nunca mais scribo eiqui, mas quando botan tanto sal i puminta como tu nun sou capac de star calhado, pec que se nun falo que arrebento.

Fales-te tu i Pedro que ye preciso mais stado(educacon+salude+seguraca mais serbicos, justica etc....)
Mira you concordo cun Manela Ferreira Leite, que dic quel stado debe ser reduzido al assencial, anbora nun me rebeia neilha, nin acradite que se eilha fur pal pulheiro, assi faga.

Socrates fizo reformas na salude, no ansino i you concordo totalmente, mira nunca precisei tanto de serbicos de salude como nos ultimos meses, i nu que precisei foi tratado a las mil marabilhas, so tengo bien a dezir. Mas arrepara que las reformas de stado son siempre las mas polemicas, i ls gobernos paran siempre con eilhas, se no greves nun faltan, i ls gorbenos y'a nun ye la purmeira bec que caien por bias deilhas.

Para Sendin serbicos publicos anformo-te, aumentoren de facto, tenemos mais serbicos de seguranca(+ GNR) nun comento, se no podie inda quedar mais mal na fetografie.

You acho que l stado so puede criar mais serbicos se eilhes furen necessarios, julgo que antes son precisos un cunjunto de factores que deilhes precisen.

Dezis-te i bien que ls serbicos precisen de clientes/utentes/cidadones i funcioarios. Mira you so beio quedar ls funcionarios residentes i ls cidadanos ban- se anbora.

Portanto nun beio como factor primordial l aumento del stado no anterior a nun ser que seia para criar anprego eimdiato, que an muitos casos i la utelidade quel stado ten.

Tamien nun minto que se calhar la mi openion ye en parte ass,i porque nun comi nunca un guico sequir que fusse del stado.

Abracos bai mandando qualquira cousa

ze mialito

Percebo-te perfeitamente Zé (aquele abraço)

Para mim é necessário a conciliação entre estado e privado.

Quando falo em serviços, não me refiro aos serviços tradicionais, (centro de saúde; escolas, etc.) esses já existem é mantê-los caso se verifique que são úteis e tentar melhorar sempre a qualidade.

Refiro-me aos novos serviços emergentes (call centers, novos institutos, etc..).

Cada novo serviço do estado ou de empresas estatais que abre é no litoral. Mas porque?

É aqui que o estado tem de inverter a política.

Quando se cria um call center com 500 funcionário, porque é que não pode abrir no interior, se é um serviço que o cidadão acede via telefone, e os funcionários só tem de recorrer a sistemas informáticos, para ir ao encontro do solicitado.

Temos o bom exemplo do pólo Universitário em Miranda do Douro, agora é multiplicar exemplos destes, deslocalizar institutos, serviços, para o interior e quando se criam serviços até à data inexistentes, abri-los no interior.
Quando digo para o interior não é necessariamente em Sendim (mas se fosse melhor), mas sim na região. Pois, ao se criar um pólo de atracção de pessoas para a região, certamente Sendim também ganha.

Como isto não acontece, teremos de ser nos a manter Sendim vivo, indo lá, divulgar-mos e icentivar conhecidos a lá ir, aproveitar os Espanhois, pois se houver movimento, nem que seja Sazonal, Sendim poderá não aumentar a população, mas ao menos que a mantenha, mais não seja para organizar as várias actividades e eventos nas várias épocas do ano, para que quando vamos lá, a malta esteja animada.

Biba Dabid!

L polo de la Unibersidade de Miranda UTAD ya fac parte de la Historia de Miranda.

Ancerou no fin del mes passado, esta tamien nunca antendi porque bino i porque se foi anbora?

Foi un anganha gentes como ya hoube i bai habendo muitos, atiroran-mos cun tierra pals oulhos. Quedemos mui contentos quando bino, sabes ya me dezi miu abo - menina bonita por poco dinero a mi me la dan, rai que te plan.

ze mialito

Mas ua aposta sin cumbiçon….

Mas ua cousa ye cierta , l anterior solo amberte la tendéncia de desertificaçon se houbir ua política que aposte fuorte nel.

Houbisses buntade i la tendéncia ambertie debrebe…

Houbiste países que custruíran capitales de raiç, alguns yá acerca de grandes cidades eisistentes i por eisemplo l Brasil custruiu-la nua zona de nada, por esso basta querer.

Se houbisses buntade facilmente las cousas mudában.

Nun me querie meter an çcussones onde a las bezes se quier ye tener un pegadeiro para atacar las pessonas ou cun segundas antençones, mas ye ua tristeza falar an eilusones i nun ber l que stá debaixo de l nariç.
Tenemos ua de las percipales fuontes de riqueza i naide le quier ber - ye la Compratiba. La Compratiba ten 10 puostos de trabalho efetibos i muitos mais sazonales durante l anho. Trae melhones de euros por anho para Sendin. Nun podemos ber solo l précio de las ubas, mas la mais balie que se faç oara pagar ls salários. Se las ubas nun son mais caras ye porque la maiorie de las adegas stan na faléncia i fázen cuncorréncia desleal ne ls précios, bendendo l bino al zbarato para pagar ls juros. Ye eiqui que se debe atacar i nó la Compratiba. La Compratiba quier eiboluir, mas son alguns sendineses i alguns politicos que todo ténen feito para la botar abaixo. Será que bai acabar l bino na nuossa region? Claro que nó i tenemos de l melhor de la Ouropa, neste momento tenemos DOC, VQPRD, REGIONAL i bino normal que se puode apresentar an todo lado. Bamos a perder todo i deixar que apareça un qualquiera, noutra tierra a tirar ls louros cumo mirandela fizo cun las tabafeias?
Solo ye amportante ser presidente de la Junta ou bareador? You se quejir ser presidente de la Junta nien de ls partidos preciso.
Mais que andar a sembrar eilusones i a fazer Autoeuropas para cerrar, hai que rentabelizar l que tenemos i melhorar l que se puode.

Dezie Cecilio: "You tamien cuido que hai que ir a la raiç de la queston. Solo haberá salude se purmeiro houber pessonas que ls de Lisboua áchen que bal la pena. Hai que purmeiro criar mobimiento."

You acho q l problema ye alrobes. Se solo dan cundiçones de salude se houber giente, anton puodes squecer que nunca bais a tener.

Las pessonas ban pa onde les oufreçan cundiçones, onde haba serbicios i puodan recorrer a eilhes an caso de necidade i no ir i asprerar que bengan mais 10 000 pessonas i assie l goberno ya dá...

Essa ye la teorie de ls gobernos pra nun dar...

Pra que ban a fazer l IC5? pra q finalmiente bengan pessonas para l anterior. I se l dassan cundiçones de amprego, salude i eiducaçon de ls filhos?

Cuido q la melhor maneira de ber esto ye pensar an cada uno de nós. L que serie melhor ou quales cundiçones le statiçfarien para ir pa l anterior?

L mais de las casas de Sendin, casas grandes, feitas d'hai 20 anhos a esta parte, ya solo quedan ls pais (2pessonas), ls filhos ya se scaporun para fuora i nin an Sendin stán. Porquei?

Parece que stamos todos en acordo, anbora seia dezido l mesmo, mas por arrodeios ou palabras defrentes.

La criação de anfraestroturas i de anvestimentos tenen de ser de einiciatiba pribada, i publica.

You defendo que l stado deba ser reduzido al máximo, nun cunjunto de serbiçios que nun traen nada de noubo pala populaçon, a nun ser criar "TAXOS" para uns poucos de afilhados. Mas debe aumentar la sue açon, en cousas que puden fazer cun que las pessonas se fixén ou nun las libe a partir.
Como exemplo tenemos la cunstruçosn del IC5, la instalaçon de ua unibersidade, nun ye por acaso que todas las tierras las quieren.
En Miranda, bino, fui-se, todos sabemos que son questones de política, por esso ye que para mi todos ls que se me apresenten a la frente nun me merecen confiança nenhue nin credibelidade.
Adepuis nun debemos querer que mus fagan un aeroporto, nien un spital cum mais dde 5000 camas, nien querer que haba scoulas cun untrês alunos, nien que aubisse spitales como l que habie en Miranda.
L stado debe fazer un cunjunto de anfraestroturas que traen anbestimentos pal anterior, mas an fourça se uns falhén debe tentar outras, i criar un conjunto de serbiços para apoiar ls que beniren adepuis desses anbestimentos.

Falou-se en bino en tabafeias, en agricultura, i esta nunca batiu tanto no fondo, i yá ye só para alguns, para aquelhes que son como la toupeira, que fura fura. Anformaçones para uns poucos i ls outros nun conben que saban, se nó cun menos quedamos nós!
Mas puede mesmo assi ye todo eilha ser ua mais balie pala rebitalizaçon de la region, acraditarei siempre.

Las antidades(associaçones+autarquies) puden ou debien era tener criado organismos de divulagaçon de produtos, que até hoije nada, la matéria ye conplexa i nun ye fácil, mas parece-me que só custaba anpeçar.

Tamien quiro dezir que acradito nas binhas i no bino, no azeite, na chicha, no turismo(cultiura+paisage)..etc, mas nun acredito en coooperativas, nien assoçiaçones agrícolas, son modelos en miu antender que se zgutorén.

Buono estó chega por hoije, este debate cuntinua agradable. Scribo nó para antretener a naide, porque só lei quien quir, i porque tengo l spirito libre. Tamien scribo a esta hora porque tengo que fazer durante l die, i muita cousa en que pensar, mas inda cunsigo pensar en algues al mesmo timpo.

Abraços

zé mialito