Mirandés Angraçado

Caçcaboi

cerilhas

chicharos

maçmarria

Para ampeçar:

-Sumenhones (frieiras)
-Benáiro ( trapo, coisa sem valor)

- Amarrou-se pa la códia i, al oupir-se, biu que habie quedado oupado.
[Sentou-se para comer e, ao levantar-se, viu que tinha ficado inchado].

Scaleiras;

Carcanhales;

Amóbito;

Zoeira

Eiqui ban mais algues:

chimpa- queda,trambolhão

scarolado/a- limpo,asseado

rechinadeiro- calor em excesso

cachaporro- parvalhão

À Conceição, para dares ua chimpa ye preciso fazeren-te ua cincadilha (rasteira)!!! Ou antão poudes atopinar(tropeçar) an algo!!!

Á Amilcar gustei dessas,ya bien tiempo que nun oubi la palabra "cincadilha"!

Ye porque nun bás a la bola se nó oubis dezir, mas s'adrega a chober, ye melhor quedar an casa.

-S'adrega ( se calha )
-Onde bás? Que hai uas nubres tan scuras, s'adrega a chober ou a troniar quiero ber.

Ambrosio bou-te a deixar eiqui algues.

Na segada

Hai la staia

Que ten un maniguero

I un rabon.

Ls manolhos atan-se cun ua bencelheira

E junta-se nun rolheiro ou na morena.

E apuis liban-se pal bornal.

Mas na ceifa ye preciso tener cuidado

Cun abrolhos a cegar

I cula munha a trilhar.

La palha ye buna de bendiar.

mas ye mala de ancalcar.

Também temos:

Caçcárria
Stroina

Abraço

Gustei das de Zé da segada
Aqui ban frases an beç de palabras solas:
- Tanto madrugar para amanhecer al cheicho.
Zé Tato para la mula nuoba: - Ara, que se arares bien, an chigando a casa comes bitela…
- Arrinca nabiça, disse miu pai que me desses ua chouriça!

quinan ou quinau

Nun sei se tenerá a ber, mas quando ua pessona staba cun ua mala eideia na cabeça i naide la cunsegui tirar dezien que staba quinau.
Mas se era giente que metie ruinas dezien que anquinan todo, son maliguenos.

Almendra

Ne l dicionário de mirandés que tengo benido a publicar screbi:

quinan, quinau s.m. 1. Má resposta. 2. Aborrecimento, chatice.

An Sendin usa-se mais la forma «quinan», i ls antigos, cumo tal mius pais, úsan-la muito. Ben de l heibraico «quinyán». Cumo tamien dezimos, ye ua palabra de «caralha».

Las palabras eilhas solas nun son mais que palabras suoltas, anque alguas téngan por eilhas solas un segneficado.
Serie amportante screbir-las na frase i tamien saber se las dízen ne l Praino ou solo an Sendin.
Quinan i quinau son mirandesas ou solo de Sendin?
Quinan you penso que ben de anquinan i caíu l an.
Quinan todo.
Quinau ye usado an fermoselle tamien i ne l sentido que you l dei.
Mas ye anteressante la splicaçon de Amadeu yá que an Sendin habie ua quemunidade de judius i ua ou outra palabra quedarie, mas you nun cuncordo cun la teorie de Zé Francisco de Palaçuolo, de que nós somos judius i ye por esso que falamos çfrente. Sendo assi cumo se splica que ls 30 000 judius que benírun de Castielha habíssen quedado acerca de Bomioso i por todo l Praino hai tierras cun mais judius qe Sendin i nun fálan cumo nós?

Almendra

Quitano i quitana i quitanos tamien son angraçiados.

Lembrou-me esto porque bi la crónica del porsor Amadeu.

Para mi até cierta altura ls ciganos siempre bendirén burros ls quitanos trapos i agora mais cousas, mas eilhes son todos ciganos.

En Spanha serón guitanos como en Fracia me parece que tamin.

Portanto l g deribou para q, pol sonido, i sinal que las léguas stan siempre a ardar palabras de las outras, nun sei se no resto del mirandés tamien ousen estas maneira de chamar a ls ciganos tendeiros i Charlatanes.

Mas tamien you, i inda nun hai muito tiempo, ye que vi quel quitano benie de spanha, pos tamien mi mae l chama ls quitanos.

Ls páixaros fázen l niu de palhaços, apuis dan-le l çubiaco als paixaricos que nun son capazes de bolar anquanto tubíren pelo de brugo i canhutos.

You nun sou mui antendido, mas peç-me que las bordelagas eran mesmo pa la angorda dels cochinos. Ora se era para angordar els cochinos, se calha ampeçou-se a chamar bordelagas als gordos... Mas Amadeu ou El porsor Almendra saberan melhor...

Bengo eiqui por bias del que tengo bido i lido ultimamente en Mirandés, quir na Telvison(trebisão), ou nels blogues que agora hai muitos, i inda bien que ls hai, assi toda la giente se poude expremir.
Mas you por mi gousto mais deste sítio que ye de Sendin.
Mas l que rialmente me troxe eiqui, ye que me parece que de la scrita las caracteristicas del Sendinés fouran anpurradas para foura de la convençon.
I mais quedo triste quando beio pula oralidade ls que son de Sendin nun falarén Sendinés, al menos oralmente falemos Sendinés.
Del que leio de ls blogueiros, ls mais bilhos nun ls conheço a todos mas ls de la mi giraçon i un pouco mais bielhos nien que seia con nomeadas en pocos m´anganharei quien seian. Quaje todos son de foura de Sendin scriben mui bien, ou 200% melhor que you, cun scritos bien feitos i parece-me que siguen las regras, a nun ser quando toca achigar la brasa a la sue sardina, i ende beio cada cousa que ye de gritar pal cielo.
Quando hai algues cousas que nun stán bien defenhidas quando se stá na tierra de naide yé belos todos a puxar pal mesmo lado, fazendo baler l sou pounto de bista i anpurrando mais ua beç l Sendinés.
Mas quir eilhes quergan ou nó, Sendin ten muito poder quier pola riqueza que ye l Sendinés quir polas pessonas que son de Sendin que se dedican al studo de la "lhéngua".
Las lénguas tenen muita regra mas ban mudando-se cul tiempo, i se ls de Sendin nun se poniren a pau esses blogueiros, que en numáro son muitos, muitos mais que ls Sendin consiguen la mudar pala sue moda.
Outra cousa que me dá muita risa ye ber quando se ban a buscar strangeirismo, a mie parece-me que nun bale la pena treolos, pode dar para rir.
Ou sou pula Conbençon, sou por ua léngua sola, mas sou pola defréncia de la oralidade, porque Sendin siempre foi defrente i la oralidade del Sendinés ye mui rica. Se en muitas cousas a las bezes nun stamos ciertos, l Sendinés parece l mais rico i cun ua fala constante i fina, equelibrada antre l que ye de mais antigo i l mais moderno, en termos de la sue eiboluçon.

Cumprimentos

JMCA

Cecílio miu primo hora bien, ou de lénguas sou un zero, i nun quiro scutir muito se nó poudo star dezir baboseiras, i quando la cousa ye séria nun ye esso que m´anteressa.
You quando nun antendo, preferiro que quien l faga melhor l baia fazendo i you arregalar ls oulhos cul que se bai fazendo, sabes porque quando se stá a bater na mesma tecla i nada se faç para demunstrar l contrário chateia, e naide mos liba en consideraçon.....
You nunca oubi dezir que l Sendinés ye un Mirandés mal falado, se nó esso daba-me la boulta a ls fiagados, i quien mel dezi-se habi de me dezir porque era mal falado?
Mira quando dezien que se ibá criar ua Convençon a parede binte anhos, you pensaba que mais ou menos serie democrático, i quedában l tres blocos representados.
Mas nua scuçon no tou Blong antre ti i l persor Almendra diç l a cierto pounto - "la cumbençon debie tener deixado ua abertura al sendinés, mas anfeliçmente nun habie sendineses, na comisson, cun fuorça i sebedorie para fazer la cumbençon. Hoije podiemos fazer melhor, mas mesmo la adenda nun la quíeren aceitar".
L que ye cierto, que na scrita la maneira de falar de Sendin zpareciu.
Mira el que mais me custa ye autelizar l "on" en beç de "ão", que la queda del "g" no meio de la palabra nun tenga sido regra, la autelizaçon del "lh" en beç de "l" inda l dou de barato esto son eixemplos, hai mais.
Gosto del tou blog "Assomadeiro" quaje yá l corri todo, stá bouno, a nun ser nos strangeirísmo, i arriba quando digo que nun bal la pena trae-los, deberie ser nun bale la pena traduzir alguns, por esso essa ye para ti.
Mas l que mais inda me mata ye que nos blogues de las tierras del mirandés central, bei-se que la scrita a la moda como falán, i ponen la conbençon de lado, i la conbençon ye a quien mais representa.
Mas nun bou a falar mais nada, porque las cousas tenen que cuntinar, i you nun sou capaç de las fazer demudar nien un cachico que seia.
Cuntinuo pola ounidade de la scrita i pola zfrencia na maneira de falar, continuarei a ler i a oubserbar quando tenga tiempo. Como quando stamos muito tiempo longe i nun falamos so spero quando abra la boca nun fale como tento screbir.
Solo mais outra cousa beio muita giente aproximar-se al Mirandés, mas de Sendin essa aproximaçon ye menor, ye preciso analisar cun cuidado porque nun l fazen.

Abraços

JMCA

Buonas nuites,

Acumpanho siempre estas çcuçones hai muitos anhos i inda bien que las hai.
Solo hai ua maneira de l sendinés ser defendido: ye ls sendineses mais nuobos faláren i screbíren bien, quier dezir, dedicáren-se a la cousa un cachico mais, senó nun adelantra star a çcutir.
Çcutir estas cousas por scrito ye mui cumplicado, mas alredror dua mesa serie mais simples i mais cumpleto. Star a screbir lhieba muito tiempo, i muitas bezes nun l hai.
Acho bien que nun se pare essa çcuçon. Mas, cumo diç Cecílio, hai que cuncretizar.
Por eisemplo, quanto al «-ão». Essa puode ser ua çcuçon atressante. Ls de l Porto, an pertués, tamien dizen~-on i ténen de screbir -ão i nun beio que esso seia un porblema.
La scuolha por -on ye çcutible, ye berdade i l percipal argumiento ye l de l plural, que l -on stá mais acerca de la formaçon de l plural, cumo tal: coraç -on, coraç - ones.
Mas atenção que l -ão sendinés ye mui defrente de l pertués, que nós nun dezimos -ão ne ls mesmos sítios. Cumo tal:
pan > pão
mano > mão

Mas todo esto habie de ser çcutido por horas i horas i tal solo se cunsigue uns al pie de ls outros. You sou de ls que áchan que la çcuçon debe de cuntinar, pus esso ye eissencial. I ten de ser alargada a muita mais gente, democratizar la çcuçon, mas de modo sério i nun solo cun palpites de qualquiera maneira.

Quanto a esses que dízen que l sendinés ye un mirandés mal falado, ye nin le respunder, pus amóstran ua grande eignoráncia. La fala dun pobo, seia el qual fur, nunca ye ua fala mal falada, ye la sue fala.
Tamien nun ye berdade que l sendinés seia mais rico que las falas de ls outros sítios. Ye aceitando i respeitando la dibersidade que balemos algo. Senó nada feito.

Jesé Mialito, cuntiona a screbir cada beç melhor, que esso ten mais amportança do que tu cuidas. L mesmo bal para Cecílio i outros, que sei bien l sfuorço que ten feito. Alhá por ser la nuossa lhéngua esso nun quier dezir que nun téngamos de la studar muito i muito i siempre.

Un abraço, i bamos falando
Amadeu

PS - saliu al correr de l dedo, se calha cun erros, mas çculpai-me.