Onte hoube assamblé de freguesie i fúrun aprobadas dues cousas amportantes.
Fui outerizada la junta a cumprar l terreno neçairo para oumentar l semitério.
La antrada de l semitério
Será l terreno que queda por trás del.
Ye este l terreno
Todos tenemos que guardar la memória de ls nuossos pais i abós.
Son muitas las tradiçones que mos deixórun i hai muita ouraçon puls muortos Tamien nós nun ls squecemos. Lhembrai solo ua quadra de la «ancomendaçon de las almas»:
Pecador adromecido,
Lhembra-te que hás-de morrir,
Has-de dar strema cuonta
De l tou buono i malo bibir .
L denheiro para cumprar l tereno nun ye muito i la assemblé outerizou tamien a bender l terreno que queda junto de la farmácia i que alhi nun stá a fazer nada, melhor serie que alguien faziesse alhá ua casa.
L terreno junto a la farmácia
Acabo cun outra quadra, esta de la «reza de las almas»:
Quien de las almas se lhembrar
Que deilhas tenga deboçon
Nesta bida tenerá paç
I na outra salbaçon.
Noutro sitio bos scribirei las ouraçones cumo las oubi a mi mai i a mi abó.
