Nin solo ls Santos i S. Paulo son cousas antigas i amportantes. Sendin tem muita cousa i alguas de las mais antigas de todo l Douro Suprior. You ancuntrei las pieças mais antigas coincidas ne l praino.
Un die falarei subre esso, mas hoije bengo a dar-bos a coincer ua pintura de l seclo XVII que se ancontra na parede de l altar de la capielha de l Sumitério.
La pintura
Inda nun fui bien studada mas todo andica que seia de la altura de la pintura de ls Santos. Parece ser ua ressurreiçon.
Esta pintura ancontra-se de l lhado dreito de l altar. L altar ye tamien ua obra mui amportante. La cruç de galhos ye mui rara, de l lhado dreito ten Nuossa Senhora de ls Remédios i de l lhado squierdo S. Roque.
L altar
Tamien alhá se ancontra S. Paulo, hai quien diga que ye l Santo de la Capielha de S. Paulo. Mas por l que you oubi al Pe. Mourinho, L Santo de la capielha ye l que stá an Picuote.
S. Paulo
