Ye errado l que se diç de la eignorancia de la gente de l Praino subre la eiducaçon sexual.
Lhembra-me bien zde quando era rapaç que quaisque to ls moços i moças sabien yá de todo un pouco, solo nun habie l que se scubriu muito mais tarde, que fúrun ls cuntracetibos.
Nun éramos tan eignorantes cumo ciertos anteletuales mos fázen.
Ls filhos de ls ricos i ls dels que íban muito a la eigreija, si, esses tenien bergonha. Mas ls del pobo, nó.
Andaba pul Barrialto, las Scalabadas i la Frauga a lhembrar-me de cumo era aqueilho quando you era moço i a ber cumo ye agora.
La rue de Santo Antonho (de las Scalabadas pal Baiunco)
Ls currales, ls caneilhos i las paredes que teniemos que saltar, para ir de uns lhados para ls outros.
Hoije mirai cumo ye.
La rue de las Scalabadas
Todo bai demudando i cumo hai ls que nun béian bien, solo béian l que stá mal, por esso bos mostro las rues cumo stan hoije.
L Barrialto (a la punta de riba)
Pus you fiç ua analogie antre las dues cousas i por esso falei de la eiducaçon sexual. Tamien nesto hai ls que béian solo l que l amporta dezir.
I deixo-bos cun un dito antigo.
El qu’ampreinha
La mulhier, an Outubro
Bai pa la segada,
Cul burro!...
La nuoba ourbanizaçon de l Baiunco
