Hoije fui-me a ua montarie al jabali. Fui para me lhembrar cumo serie la bida de ls nuossos antepassados por esses montes a caçar.
Mirando para la Sanábria (Spanha)
Hai que ber que l jabali era l animal mais amportante nesta region hai mais de 2 000 anhos.
An Picuote ancuntrórun mesmo un an piedra, l que mostra que até l fazíen cumo hoije se faç als homes amportantes.
Un die destes bou a screbir subre esso.
Mas la montarie curriu bien i nun faltou de comer i beber, agora de jabalis nin ber-los.
Este cul miedo bestiu l jaleco del carro
Ye ua cousa que se debe de tener muita atençon, por esso fizo bien para l béren bien.
Este yá ua beç apanhou cun chombos por esso se puso tan alto
