Feitas las cuontas, este anho metírun-se na Dega arrumado a 2 000 000 de kg. de ubas.
La Dega no coraçon de Sendin
La colheita, an quantidade fui, nas tintas menos 35% de las de l anho passado i las brancas de menos 62%.
Las brancas, cumo balíen menos, tambien nun balie la pena apanhar-las i algus binhas que tenien poucas i la maiorie éran brancas, quedórun por apanhar.
Mas ls sócios yá ban tenendo mais cuidado i todo curriu bien, solo três ou quatro, son siempre ls mesmos, ye que refilórun. Mas sin rezon.
La culidade de l bino, este anho ye mui buona.
Un camion a çcargar garrafones bazius
Este camion yá tenie ido cheno i agora buolbiu a traer ls garrafones bazius i a lhebar garrafones, garrafas i “bag-in-box” ( son ls pacotes cun la torneirica ), chenos.
Mesmo durante la bendima, la Dega, de un lhado recebie ubas i del outro bendie bino.
A cargar l camion
Quando un bino ye buono nun custa a bender.
La einóloga tene-se portado bien.
