Hoije fui al “Entroncamento” i lhembrou-me de quando fui para la tropa. Era nessa staçon que muitas bezes tenie que mudar de camboio i onde muitos sendineses passórun ne ls anhos an que todos tenien que ir. Era l tiempo de la guerra an Angola, Moçambique i Guiné.
La staçon de l Antroncamento
Yá nada ye eigual, mas inda se me lhembra bien de ls sentalhos onde durmien ls sodados a la spera de l camboio.
Onde se apanha l camboio
Apuis lhembrou-me de la nuossa staçon, que para muitos fui l camino de salida para outro mundo.
Que pena star tan abandonada.
La nuossa staçon
Fui dalhi que salírun ls nuossos moços que fúrun para la guerra.
L camboio
Feliçmente que quaisque todos benírun an bien. Mas l miu praça Morgado buolbiu, mas yá nin se dou cunta. Yá nun tornou a ber la staçon.
Que ls nuossos moços i moças nunca mais tengan que ir a la guerra.
