La besita de moços i moças a las nuossas tierras ye cada beç maior. Nun se puode chamar a esto, turismo, mas ua nuoba forma de ls moços i moças porcuráren coincer melhor l mundo i trocáren spriencias cun moços i moças de outras regiones, neste caso cun ls nuossos.
Sendo esto ua realidade, tenemos que star porparados para ls recebir i dar-le las cundiçones neçairas para oubtenéren ls sous oujetibos.
L pousada de la mocidade de l Barrocal de l Douro
Hai no Barrocal de l Douro un sitio que ten todas las cundiçones para ser la pousada desses moços i moças. L eidificio inda stá an cundiçones de ser aporbeitado i pul que sei, ten serbido para recebir muitos desses moços i moças, mas percisa de ser arranjado. La EDP i la Câmara por cierto que todo starán a fazer para esso.
Ua casa de ls alredores
Alredor de la pousada hai alguas casas, que yá stan tamien algo stragadas i a las quales hai que botar mano, antes que seia tarde. Estas si que poderien serbir cumo casas de turismo rural ou de apoio a un porjeto turístico. Mas ls repunsables melhor que you saberán l que fazer.
L spácio alredor
Todo l spacio alredor ye mui lindo i cun pouco trabalho poderie ser un sitio agradáble, nun squecendo todo l termo que ten muito para fazer, cumo l campo de bola que stá abandonado, assi cumo ls balneários i que poderien serbir para ls moços i moças que bénen tenéren onde fazer stágios çportibos.
L que fui un campo de bola
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
