Tamien ne l Porto ls sendineses se ajuntórun nun die de cumbíbio. A la tarde jogórun la bola, ls mais moços, porque ls mais bielhos ándan meio anferrujados de beníren poucas bezes a dar uns passeios por las arribas. Hai eiceçones cumo an todo, mas la regla, nestas cousas era fazéren mais eisercício físico para bien de la salude.
Este iba-se eiquipando anquanto chegában mais
A la nuite cumo se trataba de comer yá aparecírun muitos i fui pena que nun tubíssen ido mais. You fui un de ls que faltei, mas nin siempre se puode star, mas tube pena porque ls sendineses siempre que se ancóntran ye ua fiesta baliente, cumo bai a ser die 31 an Lisboua.
Un grupo bien animado
Quando screbi de ls que se ancóntran an Bregancia, dixe que era ua quemunidade amportante, mas la de l Porto nun queda atrás, tamien hai studantes, angenheiros, doutores, anfermeiros, ampreiteiros, radiologistas, dentistas, comerciantes, guardas, polícias, porsores ounibersitairos, eiquenomistas, cuntablistas, directores de departamentos de las ounibersidades, diretores bancários, diretores de serbicio ne ls Hospitales, políticos, adbogados.
Estes stában mais sossegados
Quando falo nestes sendineses todos ye para que, alguns que solo béien cumo amportantes l presidente de la Câmara i a eilhes, se ban dando cuonta que Sendin ye mui grande, ten muita giente amportante i merece mais respeito.
La sociadade cebil ten que ampeçar a mostrar la sue fuorça i falar mais alto, porque ten balor, moral i fuorça para l fazer.
E estes todos cuntentos
Inda habie mais retratos, mas nun ls puodo poner eiqui todos, mas nas images starán alhá.
Este trabalho solo fui possible porque l Hoije ten la ajuda de ls moços, que quando nun stou, eilhes se ancarrégan de mandar ls retratos i pedir para screbir.
Estes inda chegórun a tiempo
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
