Cada beç mais las pessonas se ban dando cunta de ls bariados porblemas de la sociadade i cumo an todo, las cousas ban eiboluindo para melhor. Mas todo acuntece porque hai siempre quien lute por un mundo mais saludáble, quier a nible material, quier a nible moral.
Un palhestrante
Sendin tamien bai sendo sensible a todos ls porblemas de la sociadade i nun ye por acaso que ye ua de las tierras mais progressistas. Hoije houbo ua açon de sensiblidade deregida a la giente an giral, subre ls malos-tratos caseiros.
La giente que partecipou
Muita giente stubo a assistir i habie anteresse por parte de las pessonas an se anformáren i tomáren cuncencia de un porblema que, cada beç mais, bai sendo menos bisto an Sendin, mas que debe siempre preocupar a todos.
Ls ourganizadores
Muitas de las bezes ls porblemas son por bias de falta de eiducaçon i por esso ye que tanto se ten ambestido, nesse campo, an Sendin, onde l analfabetismo yá quaisque nun eisiste i la maiorie yá bai tenendo mais que la scolaridade oubrigatória.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
