Hoije fui la fiesta de San Sebastian i de ls bumbeiros. An Janeiro ye l die de San Sebastian i tamien se faç ua fiesta, mas esta ye la fiesta maior, por ser l tiempo melhor para se fazéren fiestas i tamien porque se ajunta mais giente i ls bumbeiros puoden fazer tamien la sue fiesta, mostrando todo l sou material i fazer ls desfiles de ls bumbeiros i de la fanfarra.
L desfile
Nesta fiesta faç-se la bençon de las biaturas nuobas i dan-se las medalhas als bumbeiros que fázen 5, 10, 15 ou mais anhos de serbicio. Fúrun dadas medalhas a 13 bumbeiros i fizo-se la bençon de ua ambulância i de un barco. De toda la fiesta podereis ber ne ls retratos, toda la reportage.
La ambulância i l barco
Na fiesta stubo la fanfarra de la cruç berde de Bila Real que acumpanhou l peditório, la percion i ne l fin fizo ua mostra de la sue coreografie. La nuossa tamien fizo l mesmo i fui ua cousa buona de ber.
La fanfarra de la Cruç Berde
La nuossa fanfarra
L mais amportante fui la apersentaçon de todas las biaturas i grupos de ls bumbeiros que ten la nuossa associaçon al serbicio. Mas deixo todo para la reportage que podeis ber ne l sitio de ls retratos.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
