(ber ls outros die 30)
LIBRA
La carta que bos tocou repersenta l home durante la sue bida i l sou çtino. Tenereis sucesso i podeis cuntar cun l’ajuda de ls outros, mas debeis tener cuidado cun ls ambejosos.
SCORPION
La figura de la carta mostra l anjo que trai la libertaçon, ben ende ua bida nuoba, mas teneis que poupar i aporbeitar-la sien pensar muito ne l feturo. Hai nuobos caminos por lantre i tenereis un amor tranquilo se furdes tolerantes.
SAGITÀRIO
La mensage de la buossa carta ye mui clara, tal cumo l Sol i bai a traer-bos salude i felcidade. Bai a ser un tiempo positibo i debeis aporbeitar-lo bien. L amor pormete aliança i antendimento.
CAPRICÓRNIO
Tocou-bos la carta de l mago que repersenta ounidade, sabidorie, criatibidade i einício de un fato nuobo. Nun tenereis perguiça nin andareis anfadados cun l mago al buosso lado, el ye fino i sabe l que faç i tenereis trabalho, mas que bos zgastará física i spiritualmente. Teneis por esso que ser fuortes.
AQUÀRIO
La carta de la grande sacerdotisa ye la de la mulher perfeita i buona cumpanha. L sou manto ye l simblo de l mistério, la percura de la berdade, que se l’achardes la debeis mantener an segredo para nun bos la cobiçáren. Eilha segnefica amor i mistério.
PEIXES
Tocou-bos la carta de l poder subre las cousas, por esso débeis porcurar ls cunseilhos de ls mais bielhos ou de pessonas sabidas l que bos trará ganhos. Pensai tamien ne l tiempo que passa i na buossa bida. Será la hora de mudardes?
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
