QUANDO CHEGA LA BEÇ DE SENDIN?
Ir a Mogadouro i ber un berdadeiro campo de futebol ye ua alegrie para quien gusta de ber ls outros bien, mas ye tamien ua senhardade para nós sendineses, ber que tenemos que quedar siempre para l fin. Centenas de anhos a fazéren pouco de nós, yá bai chegando. Cumo you antendo ls que nada quieren cun ls duonhos de la politica.
L campo
Que ye que custaba componer ls balneários i poner la yerba ne l campo de l Sendin? Metade de l que se pagou por terrenos sien balor, para fazer las obras ne l fresno, chegaba. Mas manda quien puode. Yá dezie tiu Lérias de Paradela:
L miu boto naide merece,
Porque depuis de l boto dado,
L dunho del boto crece.
Passa por mi i nun me conhece.
Ten pista de atletismo
Muitos inda dízen que hai outras cousas mais amportantes, bai a chegar l tiempo de çcutir esso. La Copratiba ye outra de las cousas que ban sendo abandonadas por esses TIUS que ban gastando l que ye nuosso an pantominas. Mas inda hai sendineses que ls ajúdan a poner-nos uns acontra ls outros para nun tenermos fuorça.
Nun teneremos dreito a tener un campo assi?
La nuossa Copratiba ye la purmeira i deberie ser ua Copratiba de berdade, mas chamórun-le Dega, para nun mos chamar borrachos, porque traien todo mundo anquinado. Nun querien ua Copratiba an Sendin, cun berdadeira fuorça, mas talbeç la cousa demude se mos deixáren.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
