SENDIM – 0
Jogou-se hoije la 16ª. jornada de l Çtrital de futebol de la A.F.B. i l Sendin perdiu por 3-0. L jogo fui an Carção i nun campo cumo l de l Sendin, inda de tierra i cheno de buracos. Cumo l anho ten benido mui molhado , nin ten habido tiempo de secar l terreno de jogo i anton cun la chuba que hoije tornou a caer, inda pior.
L Sendin ampeçou bien, mas l terreno nun ajudaba
Para maior mal, tubo un penalte i nun marcou
Na purmeira parte l Sendin jogou melhor, mas l guarda-redes de l Carção defendie todo, até l penalte i dous libres que lebában sinal de golo. Cumo quando se falha nun se ganha, fui l que acunteciu i l Carção marcou inda antes de acabar la purmeira parte.
L Carção ampeçou a jogar
L Sendin alhá iba tentando, mas sien resultado
I l Carção fui animando cun mais un golo i na segunda parte fui la melhor eiquipa. Nun se puode dezir que l Sendin zanimou cumo de las outras bezes, mas inda nun tubo la fuorça para eiquelibrar l jogo, yá que ten jogadores tan buonos cumo l Carção.
La chuba derramou l campo i nun habie gana de jogar
Cul andar de l jogo i la chuba que caie cada beç mais, ls jogadores nun cunseguien jogar i l jogo arrastou-se até al fin cun poucas ouportunidades de cada lado. L Sendin merecie pul menos un golo, mas inda nun fui desta.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
