Comemora-se hoije l die de la Ouropa , bielho cuntinente i bielho an eideias a fazer-mos lembrar la bielha Grécia, que quando ampeçou a preacupar-se mais cun l tener que cun l ser, auto-çtruiu-se, l mesmo acuntecendo al ampério romano quando squeciu ls pobos i passou a pensar mais an Roma.
La sposiçon
Comemora-se nun die de Maio, nun die de Primabera, que ls nuobos pénsen an anterbenir mais i nestas eileiçones ajúden cun l sou boto a fazer ber al mundo, que las bielhas politicas stan arradas. La melhor maneira de comemorar ye ir todo mundo a botar.
Alguns de ls trabalhos
Cumo ne l Sábado nun habie scuola, l ciclo fizo las atibidades, cun ls alunos, na Sesta i fúrun muitos ls trabalhos de ls alunos, zde las sposiçones als trabalhos scritos i a las palhestras subre l die. Fazírun tamien trabalhos de ambestigaçon, sendo de justícia dar ls parabienes al nono A i a la doutora Cremilde, sendinesa de ls siete cuostados.
L nono A
Tirei-le este retrato porque para l anho yá starán noutra scuola, yá que la scuola de Sendin solo ten alunos até al nono anho.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
