Mais un anho i mais un ancontro de blogs de l Praino. Este anho fui na Trindade i stubírun representantes de muitos blogs, pena fui que muitos mais nun aparecíssen. Todos sabemos que ls blogs inda nun son mui apreciados ne l Praino, percipalmente ls de léngua mirandesa, mas todo ten un ampercípio i para l anho seremos muitos mais.
L’almuorço fui serbido por Eisidro
L sitio nun podie ser melhor yá que habie campo, selombras i cundiçones para todo i nun habie moscas nin bicharada de la que nestas cousas de comer al aire, nunca deixan la giente an paç. Habie mesmo giente de blogs de Leon i Astúrias, armanados cun ls nuossos.
L sitio era buono
La giente staba cuntenta
Apuis de l’almuorço houbo bárias anterbençones an mirandés, de partecipantes de todas las partes de l Praino. Houbo la possiblidade de oubir ls de la raia, ls de l mirandés central i ls de Sendin. Fui amportante ber las çfréncias, mas sentir la unidade de ua léngua quemum.
Houbo bárias anterbençones
Alguns studórun bien la licion
Todos scuitórun cun atencion
L HOIJE tubo tiempo de fazer alguns bideos de que bos dará las amboras apuis de amanhados, porque estas cousas ténen que ser bien feitas.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
