Cunsiderado por alguns storiadores cumo un de ls mais amportantes decumientos de la stória pertuesa, l Tratado de Alcanhices fui assinado antre D. Diniç (Pertual) i D. Fernando IV (Castielha), an 12 de Setembre de 1297, na poboaçon frunteiriça spanhola de Alcanhices (acerca de Miranda de l Douro). Se quejirdes ler l tratado ide a:
www.nuobasdalpraino.blogspot.com
Alcanhices
Por este tratado quedórun defenidos ls lemites defenitibos de l território pertués, stabelecendo tamien ls casamentos de D. Fernando IV cun D. Custança, filha de D. Diniç, i de l feturo rei D. Afonso IV cula armana de l rei castelhano, D. Beatriz.
Foto de l tratado
Curiosamente, ne l fin de l testo ye referida la data de l decumiento, andicando-se la Era de mil trezientos i trinta i cinco anhos." i nó l'anho de 1297. Tal sucede porque, aquando de l'assinatura de l tratado, bigoraba inda la Era de César, baseada ne l calendário juliano qu'ampeçara la cuntaige de ls anhos an 1 de Janeiro de l'anho 38 a .C. Este sistema de dataçon bigorarie an Pertual até 1422, anho an que por Carta Régia de 22 de Agosto, benerie a ser sustituído pula Era de Cristo, cuja cuntaige se ampeçaba ne l'anho 1 de l Nacimento de Jasus.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
