Hoije por la tarde ls tratores i carrinhas fazien fila para metéren ubas na Compratiba i quaije nin se daba cuonta que habie menos ubas, mas ye l segundo die i nun ye nada de ademirar, bamos a ber se l tiempo ajuda a fazer la bendimia sien chuber.
Habie fila para meter las ubas
Este anho fui algo cumplicado arranjar pessonas para trabalhar na Dega i houbo que recorrir a giente de fuora de Sendin i ne ls purmeiros dies ye siempre cumplicado sabéren trabalhar cun las maquinaries, mas todo stá a correr bien.
A çcargar las tintas
A çcargar las brancas
Cumo todos ls anhos las ubas son apartadas i las tintas son recebidas nun sitio i las tintas noutro. Este anho tamien yá hai nuobas tequenologies para fazer l bino i l bino de calidade de las binhas certeficadas deberá salir de alta calidade.
Todo stá a correr bien
Stá a correr l praso para las candidaturas de ls que quíeren poner binhas nuobas, por esso ye tiempo de tratar de todo até al fin de l més.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
