Fui onte l die anternacional de la paç i cumo stamos an tiempo de eileiçones, nada melhor que lembrar a todos que nun hai nada melhor que la paç. Paç antre ls pobos, paç antre las pessonas. I Pertual ten ua grande respunsablidade porque fui siempre un pobo de paç.
D. Ximenes Belo
Ramos-Horta
An 1996 l prémio Nobel de la Paç fui dado a dous pertueses, l Bispo Ximenes Belo i l Drº. Ramos-Horta pul sou trabalho para acabar cun la demanda subre Timor i que fizo cun que Timor passasse a ser un paiç libre.
“Buona árbole, buonos fruitos”
Esta ye la frase de l die, fruito de un dito dezideiro pertués i que hoije bos deixo eiqui. Cuido que l melhor modo de costruir la paç ye cada un pensar neste dito. Se cada un fazir por ser melhor, ser ua buona árbole, ls fruitos serán buonos i la paç ua cousa mais fácele.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
