Sendin tubo tamien la cultura de l lino i inda me lembra bien de l tenermos sembrado na nuossa huorta de las Lagas, de l colher i de l ber tratar.
Hoije yá solo mos resta la lembráncia i ls chamadeiros que mos quedórun cumo l de "LAGAS" - sitio adonde se alagaba l lino. Era na ribeira de las Lagas que l alagabamos tamien, cumo yá l faríen ls pobos anti(g)os que dórun l chamadeiro a la ribeira.
Mas inda hai sitios ne l Praino adonde l trátan, cumo an Soutelo i ye de la Associaçon d'alhá que bos amostramos l bideo de hoije.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
