Porque onte bos amostremos un bideo de la dança de ls pauliteiros i muita giente gostou de ber porque fui un modo de daprender ls bários passos de la dança, pedírun-mos para amostrar mais alguns. Bemos dançar ls pauliteiros, mas poucas bezes mos damos cunta de ls berdadeiros passos de la dança.
L lhaço que dançórun ne l bideo fui “l canário”, amostrei este porque ye un de ls que menos bemos dançar e que ye un de ls mais guapos. Nun bamos eiqui a amostrar cumo se dánçan todos ls lhaços, mas queremos fazer un trabalho cumpleto deilhes todos.
La letra de l canário :
CANÁRIO mio,
Canáriú…
Fanega de tri(g)o
De cada anhú…
Canário mio,
Canário, Andrés!
Fanega de tr(g)o
De cada més…
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
