Mais un bideo an mirandés para bos irdes habituando a oubir l mirandés falado. Hai muitos que síguen l HOIJE todos ls dies i nun ténen oucasion de oubir falar l mirandés. Ban lendo l que you scribo, a las bezes inda cun muitas cousas menos ciertas, mas parece que las pessonas quejírun que tubisse mais tiempo para you studar i yá bos irei screbindo melhor.
Esta ye ua pequeinha lhona an mirandés i podeis oubir la fala de Freixenosa, hai alguas çfréncias de tierra para tierra, mas todos nós sabemos que mesmo ne l pertués las pessonas de las bárias aldés se conhécen pula fala. Oubi i mais amportante que la lhona ye tomardes sentido ne l son i ne ls termos que se úsan. Oubi pul menos dues bezes.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
