Tamien ye amportante que haba an mirandés, un sitio adonde las pessonas púodan daprender algo subre la stória ounibersal. L HOIJE precura catibar las pessonas para que ban lendo todos ls dies uas poucas de palabras an mirandés, ye ua forma de fazer algo por la nuossa léngua, mas se fur un sitio adonde ls leitores dapréndan algo, melhor.
Ne l die 24 de Outubre, al longo de ls anhos, acuntecírun cousas tan amportantes cumo las que podeis scuitar ne l bideo. La cunquista de Lisboua por D. Fonso Anriques, antrou an funciones la ONU , fui fundado l purmeiro clube de futebol, aparecírun las purmeiras meias de nylon, morriu Rosa Parks – la tie negra que an 1955 se recusou a dar l sou lugar nua carreira para brancos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
