EL HAI CADA COUSA !!
Al lhume, sentados ne l scanho a belar, oubimos muitas cuontas, uas berdadeiras, outras nó, mas que mos lhíeban a la memória de un pobo que yá bai deixando de ser l nuosso. Mas quien nun guarda la memória de ls sous, nun puode ser refréncia para naide. Stá a chegar l tiempo de belar, aprobeitai-lo, ls que podirdes i cumbibi, que nun dareis l tiempo por mal perdido.
Este ye un cuonto de spritos, mas cumo dízen ne l cuonto, será que ls hai? L cuonto ye anteressante i debe serbir de studo, mas l que amporta eiqui ye la fala de Fuonte Aldé.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
