Este ye un grupo de musica de l Praino i que ten atuado por todo mundo. Apresentamos hoije este bideo porque apuis de ber onte l coro anfantil de Miranda, ansaiado por Paulo Meirinhos i inda por que ls Galandun Galundaina tamien atuórun na bienal de la maçcara, era de justícia amostrá-lo, até porque l ansaiador de l coro ye tamien un de ls eilementos de ls Galandun Galundaina .
Cumo bistes i oubistes, de l grupo faç tamien parte un sendinés - Paulo Preto, un de ls mais cunsiderados músicos de l Praino i que stubo na ourige de l coro de sendin i fui tamien un de ls purmeiros apoiantes de l festibal Antercéltico. Todos ls eilementos de ls Galandun Galundaina son tamien fazedores de anstrumentos musicales.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
