La Ounibersidade Paris Diderot, na capital francesa, fizo un colóquio subre l’Ouropa de ls Binte-Siete i las sues Lénguas. Las lénguas ditas minoritairas cumo l mirandés tamien fúrun tema de l debate, cun la anterbençon de António Bárbolo Alves, porsor na scuola de sendin, por la Ounibersidade de Trás-ls-Montes i Alto Douro i de Anabela Leal de Barros por la Ounibersidade de l Minho, que falórun subre l tema - L mirandés caras al pertués i a las outras lhénguas románicas .
L cartaç
L drº. Bárbolo Alves
La sue anterbençon fui hoije a las diç horas ne l anfiteatro Buffon de la Ounibersidade i fui mui apreciada. Nun die destes pensamos publicar la anterbençon deilhes i yá bos diremos adonde la podereis ler, se quejirdes.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
