Pormober l'artesanato de la region de l Nordeste Strasmuntano nua época de crise, aporbeitando la época de l Natal, ye un de ls oujetibos de la décima eidiçon de la Feira de Artes, Oufícios i Sabores, qu'ampeçou esta nuite an Bomioso i se cuntina até Demingo.
La nuossa sposiçon
L bice-presidente de l'outarquie i respunsable pula ourganizaçon de la feira, dixo qu'astanho hai mais cerca d'ua dezena de spositores.
“O aumento nunca poderá ser muito significativo atendendo ao espaço que temos, mas isso também nos permite fazer uma maior selecção dos expositores, porque os pedidos que nos chegam são muitos” dixo Jorge Fidalgo .
L presidente de la câmara na abertura de la feira
La nuossa Copratiba ye un de ls spositores i cumo ben sendo hábito noutras feiras, stá siempre bien representada. Tener un buono téquenico de geston i ua buona einóloga ye la rezon percipal para que la Copratiba seia bien cunsiderada por todo lado. Nunca ye demais dezir que ls nuossos binos ténen fama i ye por esso que somos cumbidados para partecipar por las câmaras de Trás-ls-Montes.
La einóloga Ana fazie la apresentaçon de l nuosso DOC
L presidente stá a dezir al drº. Paulo que l bino stá ua marabilha
L presidente de la câmara abriu la feira i na bejita pula feira parou ne l nuosso sitio adonde fui recebido pul téquenico i la enóloga, que le dórun todas las anformaçones subre ls nuossos binos i adonde probou l DOC Ribeira de l Corço , bino de ls mais apreciados de Trás-ls-Montes.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
