Cumo podeis ber, ls moços i moças de Sendin dórun uas horas de l sou tiempo para cortar las silbas que yá cobríen la staçon, mas agora l que quedou a la mostra inda mete mais duolo. Será que se darán cuonta agora, de que hai que botar mano a la staçon i fazer deilha algo que se puoda ber?
Ye de pequeinhas cousas que se faç la bida i quando nun las sabemos fazer a tiempo muito mais defícele, se nó ampossible será fazer-las. Fui l que se passou cun la fuson de l Agrupamiento de scuolas de Sendin. Quando se habie de tener tratado de las cousas, naide fizo caso i agora “à tiu à tiu”. Mas yá bos daremos amboras de l que se passa, quando se soubir mesmo l que se passa…
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
